Manqabat
جس کی جراءت پر جہانِ رنگ و بُو سجدے میں ہے
جس کی جراءت پر جہانِ رنگ و بُو سجدے میں ہے
آج وہ رمز آشنائے سرَّ ھُو سجدے میں ہے
Jis ki jurrat par jahan-e-rang-o-boo sajday mein hai
Aaj wo ramz aashna-e-sirr-e-hoo sajday mein hai
ہر نَفَس میں انشراحِ صدر کی خوشبو لیے
منزلِ حق کی مُجَّسم جُستجو سجدے میں ہے
Har nafas mein inshiraah-e-sadr ki khushbu liye
Manzil-e-haq ki mujassam justuju sajday mein hai
با نیاز بندگی اللہ کا اِک عبدِ خاص
حسبِ حکمِ فَاعْبُدُوہُ وَاسْجُدُو سجدے میں ہے
Ba niaz bandagi Allah ka ik abd-e-khaas
Hasb-e-hukm-e fa'buduho wa asjudu sajday mein hai
کیسا عابد ہے یہ مقتل کے مُصلّٰے پر کھڑا
کیا نمازی ہے کہ بے خوفِ عَدُو سجدے میں ہے
Kaisa aabid hai ye maqtal ke musalla par khada
Kya namazi hai ke be khauf-e-adu sajday mein hai
اے حُسین ابنِ علی تجھ کو مبارَک یہ عُروج
آج تُو اپنے خدا کے رُو برو سجدے میں ہے
Ae Hussain ibn-e-Ali tujh ko mubarak ye uroo
Aaj tu apne Khuda ke roo broo sajday mein hai
ابنِ زھرا اِس تِری شانِ عبادت پر سلام
سر پہ قاتل آچکا ہے اور تُو سجدے میں ہے
Ibn-e-Zahra is teri shan-e-ibadat par salam
Sar pe qatil aachuka hai aur tu sajday mein hai
اللہ اللہ تیرا سجدہ اے شبیہِ مصطفیٰؐ
جیسے خود ذاتِ پیمبر ہُو بَہُو سجدے میں ہے
Allah Allah tera sajda ae shabeeh-e-Mustafa
Jaise khud zaat-e-Paighambar hoo bahoo sajday mein hai
یہ شرف کس کو ملا تیرے علاوہ بعدِ قتل
سر ہے نیزے کی بلندی پر، لَہُو سجدے میں ہے
Ye sharaf kis ko mila tere ilawa bad-e-qatal
Sar hai neze ki bulandi par, lahoo sajday mein hai
محوِ حیرت ہیں ملائک ، دم بخود ہے کائنات
آج مقتل میں علی کا ماہرُو سجدے میں ہے
Mahw-e-hairat hain malaik, dam bakhud hai kainaat
Aaj maqtal mein Ali ka mahrroo sajday mein hai
تھا عمل پیرا جو کلّا لا تُطِعْہُ پر ، وہ آج
بن کے وَاسْجُد وَاقْتَرِبْ کی آرزو سجدے میں ہے
Tha amal para jo kalla la tuti'hu par, wo aaj
Ban ke wasjud waqtarib ki aarzu sajday mein hai
سر کو سجدے میں کٹا کر کہہ گیا زہرا کا لا ل
کچھ اگر ہے تو بشر کی آبرو سجدے میں ہے
Sar ko sajday mein kata kar keh gaya Zahra ka laal
Kuch agar hai to bashar ki aabroo sajday mein hai
کون جانے ، کون سمجھے ، کون سمجھائے نصیؔر
عابد و معبود کی جو گفتگو سجدے میں ہے
Kaun jane, kaun samjhe, kaun samjhaye Naseer
Aabid o ma'bood ki jo guftugu sajday mein hai
Share This Naat
Share with friends and family
جس کی جراءت پر جہانِ رنگ و بُو سجدے میں ہے
سید نصیرالدیں نصیر