نورِ سرکارؐ نے ظلمت کا بھرم توڑ دیا
کفر کافُور ہُوا شرک نے دَم توڑ دیا
Noor-e-sarkarؐ ne zulmat ka bharam toR diya
Kufr kafoor hua shirk ne dam toR diya
سوزِ غم ختم کیا سازِ سِتم توڑ دیا
آپؐ نے سلسلۂ رنج و الم توڑ دیا
Soz-e-gham khaTam kiya saz-e-sitam toR diya
Aapؐ ne silsila-e-ramj o alam toR diya
نعرہ زن زن رِند بڑھے ساقیِؐ محشر کی طرف
جامِ کوثر جو مِلا ساغرِ جم توڑ دیا
Naara zan zan rind baRe saqiؐ-e-mahshar ki taraf
Jam-e-kosar jo mila saghar-e-jam toR diya
دستِ قدرت! ترے اِس حسنِ نگارش پہ نثار
نام وہ لوح پہ لکّھا کہ قلم توڑ دیا
Dast-kudrat! Tere is husn-e-nigaarish pe nisaar
Naam wo loh pe likkha ke qalam toR diya
ڈوبنے دی نہ محمدؐ نے ہماری کشتی
زور طوفاں کا بیک چشمِ کرم توڑ دیا
Doobne di na Muhammadؐ ne hamari kishti
Zor toofan ka beik chashm-e-karam toR diya
نہ رہا کفر کا پِندار ، نہ غَرّہ نہ غُرور
ایک ہی ضرب میں سب جاہ و چشم توڑ دیا
Na raha kufr ka pindaar, na gharra na ghuroor
Ek hi zarb mein sab jaah o chashm toR diya
شدّتِ ظلم ہُوئی خُلقِ محمدؐ سے فنا
جتنے شدّاد تھے ہر ایک نے دَم توڑ دیا
Shiddat-e-zulm hui khulq-e-Muhammadؐ se fanaa
Jitne shaddaad the har aik ne dam toR diya
تھا برہمن کو بہت رشتۂ زُنّار پہ ناز
آپؐ سے سلسلہ جوڑا، تو صنم توڑ دیا
Tha barahman ko bohat rishTa-e-zunnaar pe naaz
Aapؐ se silsila joda, to sanam toR diya
جب مِرے سامنے آیا کوئی الحاد کا جام
کہہ کے بے ساختہ یا شاہِؐ اُمَم! ’’توڑ دیا‘‘
Jab mire samne aaya koi ilhaad ka jaam
Keh ke besakhta ya shaah-e-ummam! "toR diya"
تم پر اللہ کے الطاف نصیرؔ! ایسے ہیں
نعت اِس شان سے لّکھی کہ قلم توڑ دیا
Tum par Allah ke altaaf Naseerؔ! aise hain
Naat is shaan se likkhi ke qalam toR diya
Share This Naat
Share with friends and family
نورِ سرکارؐ نے ظلمت کا بھرم توڑ دیا
سید نصیرالدیں نصیر