ہے سدا فتح و ظفر شہرِ مدینہ کی طرف
’’سطرِ مدحت کا سفر شہرِ مدینہ کی طرف‘‘
hai sada fatah o zafar shahr-e-Madina ki taraf
''satr-e-madhat ka safar shahr-e-Madina ki taraf''
نور دل کا بھی ملا آنکھ کے اِس نور کے ساتھ
جب چلا تیرہ نظر شہرِ مدینہ کی طرف
noor dil ka bhi mila aankh ke is noor ke sath
jab chala teerah nazar shahr-e-Madina ki taraf
فیصل آباد سے جانا ہے مجھے خالی ہاتھ
شوق ہے رختِ سفر شہرِ مدینہ کی طرف
Faisalabad se jana hai mujhe khaali haath
shauq hai rakht-e-safar shahr-e-Madina ki taraf
ظلمتِ شام مری زیست پہ جب چھائے گی
بخت کی ہو گی سحر شہرِ مدینہ کی طرف
zulmat-e-shaam meri zeest pe jab chhae gi
bakht ki hogi sehar shahr-e-Madina ki taraf
ابنِ آدم ہی نہیں آنکھ ہے دیکھی ہم نے
سنگریزوں کی بھی تر شہرِ مدینہ کی طرف
ibn-e-adam hi nahi aankh hai dekhi hum ne
sangrezon ki bhi tar shahr-e-Madina ki taraf
گنبدِ سبز نما جو ہیں محبت سے بنے
ہیں سبھی ایسے شجر شہرِ مدینہ کی طرف
gunbad-e-sabz nima jo hain mohabbat se bane
hain sabhi aise shajar shahr-e-Madina ki taraf
سر ہے سجدے میں مرا جانبِ کعبہ گر چہ
دل یہ جھکتا ہے مگر شہرِ مدینہ کی طرف
sar hai sajde mein mera janib-e-Kaaba gar che
dil yeh jhukta hai magar shahr-e-Madina ki taraf
قدسیاں رشک کریں بخت پہ میرے طاہرؔ
میں چلا بارِ دگر شہرِ مدینہ کی طرف
qudsiyan rashk karein bakht pe mere Tahir
main chala bar-e-digar shahr-e-Madina ki taraf
Share This Naat
Share with friends and family
ہے سدا فتح و ظفر شہرِ مدینہ کی طرف
پروفیسر محمد طاہر صدیقی