خدا کے در پہ درِ مصطفےٰؐ سے آیا ہوں
میں ابتدا کی طرف انتہا سے آیا ہوں
Khuda ke dar pe dar-e-Mustafaؐ se aaya hoon
Main ibtida ki taraf intaha se aaya hoon
وہ رنگ جسم پہ ہیں جو کبھی نہ پہنے تھے
دیارِ خوشبو و شہرِ صبا سے آیا ہو ں
Woh rang jism pe hain jo kabhi na pehne the
Diyar-e-khushbu o shehr-e-saba se aaya hoon
چمک رہی ہے ستاروں کی طرح پیشانی
میں انکی سلطنتِ نقش پا سے آیا ہوں
Chamak rahi hai sitaron ki tarah peshaani
Main unki saltanat-e-naqsh-e-pa se aaya hoon
لگائے عشقِ نبیؐ مجھ کو اپنے سینے سے
کہ دوڑتا ہوا مروہ صفا سے آیا ہوں
Lagaaye ishq-e-Nabiؐ mujh ko apne seene se
Ke daurta hua Marwa Safa se aaya hoon
حضورؐ آپ کے قدموں میں کچھ جگہ مل جائے
میں اپنی ذات کے غارِ حرا سے آیا ہوں
Huzoorؐ aap ke qadmon mein kuch jagah mil jaye
Main apni zaat ke ghar-e-hira se aaya hoon
میں آخرت سے بھی آگے کا کر رہا ہوں سفر
درِ نبیؐ نہیں دارالبقا سے آیا ہوں
Main aakhirat se bhi aage ka kar raha hoon safar
Dar-e-Nabiؐ nahin daar-ul-baqa se aaya hoon
مری زبان پہ نعتِ رسولؐ واجب تھی
خدا کے حکم نبیؐ کی رضا سے آیا ہوں
Meri zubaan pe naat-e-Rasoolؐ wajib thi
Khuda ke hukam Nabiؐ ki raza se aaya hoon
مرے مقام سے مجھ کو بلند کر دیجے
میں زندگی کے خطِ اُستوا سے آیا ہوں
Mere maqam se mujh ko buland kar dije
Main zindagi ke khat-e-ustuwa se aaya hoon
Share This Naat
Share with friends and family
خدا کے در پہ درِ مصطفےٰؐ سے آیا ہوں
مظفر وارثی