جاری ہے دو جہاں پہ حکومت رسولؐ کی
کرتے ہیں مہر و ماہ اطاعت رسولؐ کی
Jari hai do jahan pe hukumat e Rasoolؐ ki
Karte hain mehr o mah itaat e Rasoolؐ ki
ایمان ایک نام ہے حُبِّ رسولؐ کا
ہے خُلد کی بہار محبت رسولؐ کی
Imaan aik naam hai hub e Rasoolؐ ka
Hai khuld ki bahar mohabbat e Rasoolؐ ki
نوکِ مژہ پہ جن کی رہے اشکِ کربلا
پائیں گے حشر میں وہ شفاعت رسولؐ کی
Nok e mizha pe jin ki rahe ashk e karbala
Paain ge hashr mein woh shafaat e Rasoolؐ ki
غارِ حِرا کو یاد ہیں سجدے رسولؐ کے
دیکھی ہے پتھروں نے عبادت رسولؐ کی
Ghaar e hira ko yaad hain sajday e Rasoolؐ ke
Dekhi hai pathron ne ibadat e Rasoolؐ ki
دامانِ عقل و ہوش سہارا نہ دے مُجھے
چاہت خدا کی بن گئی چاہت رسولؐ کی
Daman e aql o hosh sahara na de mujhe
Chahat khuda ki ban gayi chahat e Rasoolؐ ki
ساغرؔ تمام عالم ہستی ہے بے حجاب
آنکھوں میں بس رہی ہے وہ خلوت رسولؐ کی
Sagharؔ tamam alam e hasti hai be hijab
Aankhon mein bas rahi hai woh khalwat e Rasoolؐ ki
Share This Naat
Share with friends and family
جاری ہے دو جہاں پہ حکومت رسولؐ کی
ساغر صدیقی