کیوں نہ دل میں وقعت ہو اس قدر مدینے کی
عرش ادب سے جھکتا ہے خاک پر مدینے کی
Kyun na dil mein waq'at ho is qadar madeenay ki
Arsh adab se jhukta hai khaak par madeenay ki
اس کو راس آئے گا کیا بہشت کا منظر
جس نے سیر کی ہوگی عمر بھر مدینے کی
Is ko raas aaye ga kya behisht ka manzar
Jis ne sair ki hogi umar bhar madeenay ki
یہ در محمد ہے پھونک کر قدم رکھو
خاکِ رہ بھی ہوتی ہے دیدہ ور مدینے کی
Yeh dar Muhammad hai phoonk kar qadam rakho
Khaak-e-rah bhi hoti hai deedah war madeenay ki
حشر تک وہ چمکے گا ہمہ تن نظر ہو کر
جس کو بھی زیارت ہو اک نظر مدینے کی
Hashr tak woh chamke ga hama tan nazar ho kar
Jis ko bhi ziarat ho aik nazar madeenay ki
جب درود پڑھتے ہی مجھ کو نیند آتی ہے
خوب سیر کرتا ہوں رات بھر مدینے کی
Jab darood parhte hi mujh ko neend aati hai
Khoob sair karta hoon raat bhar madeenay ki
احترام کیا ہوگا؟ جلوہء مدینہ کا
کیمیا ایماں ہے خاکِ در مدینے کی
Ahtiram kya hoga? Jalwah-e-madeena ka
Kaymiya eemaan hai khaak-e-dar madeenay ki
جھوم جھوم اُٹھتا ہے ہر زماں کا ہر لمحہ
یاد کتنی ہوتی ہے خوش اثر مدینے کی
Jhoom jhoom uthta hai har zamaan ka har lamha
Yaad kitni hoti hai khush asar madeenay ki
خود کھنچ آئے گا کعبہ اور طواف کر لینا
اے صبیحؔ رحمانی بات کر مدینے کی
Khud khinch aaye ga ka'aba aur tawaaf kar lena
Ae Sabih Rahmani baat kar madeenay ki
Share This Naat
Share with friends and family
کیوں نہ دل میں وقعت ہو اس قدر مدینے کی
سید صبیح الدین صبیح رحمانی