چشمِ رحمت یا نبیؐ درکار ہے
دل کو اذنِ حاضری درکار ہے
Chashm-e-Rehmat ya Nabiؐ darkar hai
Dil ko azn-e-haazri darkar hai
اک جھلک درکار ہے سرکارؐ کی
بخت کو تابندگی درکار ہے
Ek jhalak darkar hai Sarkarؐ ki
Bakht ko taabandgi darkar hai
اک تبسّم کے ہیں طالب یا رسولؐ
موسموں کو بہتری درکار ہے
Ek tabassum ke hain taalib ya Rasulؐ
Mausamon ko behtari darkar hai
جس میں ہو توصیفِ آقاؐ سر بسر
نعت گوئی ایسی ہی درکار ہے
Jis mein ho tauseef-e-Aaqaؐ sar basar
Naat goi aisi hi darkar hai
سلسلہ ہو تاکہ مدحت کا طویل
مجھ کو لمبی زندگی درکار ہے
Sil sila ho taa ke mad-hat ka taweel
Mujh ko lambi zindagi darkar hai
ہو جو نعتِ مصطفیٰؐ کا شاہکار
ایسی عمدہ شاعری درکار ہے
Ho jo naat-e-Mustafaؐ ka shahkar
Aisi umda shairi darkar hai
سبز گنبد چوم کر ہے جو رواں
اس ہوا کی دلکشی درکار ہے
Sabz gumbad choom kar hai jo rawaan
Us hawa ki dilkashi darkar hai
ظلمتِ راہِ عدم میں ، آپؐ کی
میرے آقاؐ روشنی درکار ہے
Zulmat-e-raah-e-adam mein, aapؐ ki
Mere Aaqaؐ roshni darkar hai
ساقیِ کوثر جسے تسکین دیں
طاہرؔ! ایسی تشنگی درکار ہے
Saaki-e-Kausar jise taskeen dain
Tahirؔ! aisi tishna-gi darkar hai
Share This Naat
Share with friends and family
چشمِ رحمت یا نبیؐ درکار ہے
پروفیسر محمد طاہر صدیقی