ہے یہ غریبِ حرف پہ احسانِ مصطفٰی
نطق و قلم ہوئے جو ثنا خوانِ مصطفٰی
Hai yeh ghareeb-e-harf pe ehsaaan-e-Mustafa
Nutq o qalam huwe jo sana khawan-e-Mustafa
وقفِ ثنا ہوئے تو ہوئے لفظ معتبر
نعتوں کی یہ نیاز ہے فیضانِ مصطفٰی
Waqf-e-sana huwe to huwe lafz mu'atabar
Na'ton ki yeh niyaz hai faizaan-e-Mustafa
فکر و شعور و فہم پہ کھُلتے ہیں بابِ نعت
پڑھتا ہوں الکتاب میں عرفانِ مصطفٰی
Fikr o shu'oor o feham pe khulte hain bab-e-na'at
Parhta hoon al-kitab mein urfaan-e-Mustafa
ہے انبیا میں بعض کی بعضوں سےاونچی شان
سب سے بلند تر ہے مگر شانِ مصطفٰی
Hai anbiya mein ba'az ki ba'azon se unchi shaan
Sab se buland tar hai magar shaan-e-Mustafa
کیا نکہتِ حسین ہے کیا رنگتِ حسن
کیسے چمن نواز ہیں ریحانِ مصطفٰی
Kya nakhat-e-hussain hai kya rangat-e-husn
Kaise chaman nawaz hain rihaan-e-Mustafa
پایا ہے خاص مرتبہ قربِ رسول میں
پہلو میں محوِ خواب ہیں یارانِ مصطفٰی
Paya hai khas rutba qurb-e-Rasul mein
Pehlu mein mahv-e-khawab hain yaaran-e-Mustafa
عثمان ان کے فیض سے کانِ حیا ہوئے
حیدر کو دیکھیے تو ہیں جانانِ مصطفٰی
Usman un ke faiz se kaan-e-haya huwe
Haider ko dekhiye to hain jaanan-e-Mustafa
اے زائرِ مدینہ مبارک کہوں تجھے
مژدہ ہے عفوِ تام کا فرمانِ مصطفٰی
Ae zaair-e-Madina mubarak kahun tujhe
Muzda hai afw-e-taam ka farmaan-e-Mustafa
نوری یہی ہے آسرا اپنی نجات کا
نسلوں سے ہوں غلامِ غلامانِ مصطفٰی
Noori yahi hai aasra apni najat ka
Naslon se hoon ghulaam-e-ghulaman-e-Mustafa
Share This Naat
Share with friends and family
ہے یہ غریبِ حرف پہ احسانِ مصطفٰی
محمد ظفراقبال نوری