شاداں ہیں دونوں عالم، میلادِ مصطفیٰ پر
تحلیل ہو گئے غم، میلادِ مصطفیٰ پر
Shaadan hain dono aalam, milad-e-Mustafa par
Tahleel ho gaye gham, milad-e-Mustafa par
وردِ زباں ہو ہر پل یہی جاوداں وظیفہ
پڑھیے درود پیہم میلادِ مصطفیٰ پر
Ward-e-zabaan ho har pal yahi jawdan wazifa
Parhiye durood peham milad-e-Mustafa par
کون و مکاں کی ارفع نعمت عطا ہوئی ہے
مسرور کیوں نہ ہوں ہم، میلادِ مصطفیٰ پر
Kon o makaan ki arfa ne'mat ata hui hai
Masroor kyu na hon hum, milad-e-Mustafa par
رگ رگ میں روشنی سی اتری قرار بن کر
بے چینیاں گئیں تھم، میلادِ مصطفیٰ پر
Rag rag mein roshni si utri karar ban kar
Bechainiyan gayi thum, milad-e-Mustafa par
پت جھڑ کی ہر نشانی مٹنے لگی چمن سے
آیا بہار موسم، میلادِ مصطفیٰ پر
Pat jhar ki har nishani mitne lagi chaman se
Aaya bahar mausam, milad-e-Mustafa par
جب نورِ مصطفیٰ نے بشری لباس پہنا
انساں ہوا معظم، میلادِ مصطفیٰ پر
Jab noor-e-Mustafa ne bashri libaas pehna
Insaan hua mo'azzam, milad-e-Mustafa par
اشفاقؔ ان کی آمد ہے مہر و مہ کی زینت
تاریکیاں ہیں برہم ،میلادِ مصطفیٰ پر
Ashfaq un ki aamad hai mehr o mah ki zeenat
Tarikiyan hain barham, milad-e-Mustafa par
Share This Naat
Share with friends and family
شاداں ہیں دونوں عالم، میلادِ مصطفیٰ پر
اشفاق احمد غوری