ہے جن کی خاکِ پا رُخِ مہ پر لگی ہوئی
اُن کی لگن ہے دل کو برابر لگی ہوئی
hai jin ki khaak-e-paa rukh-e-meh par lagi hui
un ki lagan hai dil ko barabar lagi hui
شاہِؐ اُمم لُٹائے چلے جا رہے ہیں جام
پیاسوں کی بھیڑ ہے سرِ کوثر لگی ہوئی
shaah-e-umm lutta'e chale ja rahe hain jaam
pyaason ki bheer hai sar-e-kausar lagi hui
زہراؓ، حسینؓ اور حسنؓ کا غلام ہوں
مہر ِعلیؒ کی مُہر ہے مجھ پر لگی ہوئی
Zahra, Hussain aur Hasan ka ghulam hoon
mehr-e-Ali ki mohar hai mujh par lagi hui
قربان اے خیالِ رُخِ مصطفیٰؐ! ترے
رونق ہے ایک ذہن کے اندر لگی ہوئی
qurban ae khayal-e-rukh-e-Mustafa! tare
ronaq hai ek zehan ke andar lagi hui
ٹکّر نہ لے نبیؐ کی شریعت سے، ہوش کر!
دوزخ میں جھونکتی ہے، یہ ٹھوکر لگی ہوئی
takkar na le Nabi ki shariat se, hosh kar!
dozakh mein jhonkti hai, yeh thokar lagi hui
میرا کفن ہو تارِ ادب سے بُنا ہُوا
ہو ساتھ التماس کی جھالر لگی ہوئی
mera kafan ho taar-e-adab se buna hua
ho saath iltimas ki jhalar lagi hui
یاد رسولؐ پاک میں ہر آنکھ تر رہے
اشکوں کی اک سبیل ہو گھر گھر لگی ہوئی
yaad-e-Rasul pak mein har aankh tar rahe
ashkon ki ek sabeel ho ghar ghar lagi hui
آقا! بَلائے حِرص و حَسَد سے بچائیے
پیچھے یہ سب کے ہاتھ ہے دھوکر لگی ہوئی
aqa! balaaye hirs o hasad se bachaiye
peechay yeh sab ke haath hai dhokar lagi hui
تکتے ہیں روز و شب جسے شمس و قمر نصیرؔ
اپنی نظر بھی ہے اُسی در پر لگی ہوئی
takte hain roz o shab jise shams o qamar Naseer
apni nazar bhi hai usi dar par lagi hui
کہتے ہیں جس کو عشق وہ اک آگ ہے نصیرؔ
بُجھتی نہیں سُنی ہے یہ اکثر، لگی ہوئی
kehte hain jis ko ishq wo ek aag hai Naseer
bujhti nahi suni hai yeh aksar, lagi hui
Share This Naat
Share with friends and family
ہے جن کی خاکِ پا رُخِ مہ پر لگی ہوئی
سید نصیرالدیں نصیر