تیرے شہر دیاں گلایاں ہوون ساڈا ہوے حال فقیراں دا
تیرے نام دا کاسہ ہتھ ہووے گل چوغہ ہووے لیراں دا
Teray shehar diyan gulayan hovan sada hovay haal faqiran da
Teray naam da kasa hath hovay gul chugha hovay leran da
دن تڑفدیاں لنگھ جاندا اے تے راتاں رورو لنگھدیاں نے
کی حال سناواں لوکاں نوں اوہدی زلف دے یار اسیراں دا
Din tarfdiyan langh janda ay te ratan roro langhdiyan ne
Ki haal sunawan lokan no ohdi zulf de yaar asiran da
مینوں گل نال لا کے سوہنے نے کہیا الفت تھیں واہ جھیا اوے
کی حال بنایا ای رو رو کے ایہناں اکھیاں لے تقصیراں دا
Menu gul nal la ke sohnay ne kahiya ulfat thiyan wah jhiya oye
Ki haal banaya ay ro ro ke ehna akhiyan lay taqsiran da
اوہ جھنگ دا رانجها سی جہیڑا رہیا پھردا سی اک ہیر پچھے
طیبہ دے رانجھن دے گردے رہندا اے جھرمٹ ہیراں دا
Oh jhang da ranjha si jehra rehya phirda si ik Heer picchay
Tayba de Ranjhan de garday rehanday ay jhurmat heran da
اوہدے در دی دولت جو عاشق سینے چہ لکائی پھر دے نے
بس قدر خدا ای جان دا اے اوہناں درد منداں دلگیراں دا
Ohday dar di dolat jo ashiq seenay ch lakhai phir de ne
Bas qadr Khuda ay jaan da ay ohna dard mandan dilgeeran da
نیناں دے کھبیاں تیراں دی پچھ رڑک نیازی جامی نوں
ایہہ چھلے لوکی کی جانن کی اثر ہے عشق دے تیراں دا
Nainan de khabiyan teran di puch rrark Niazi Jami nu
Ehe chalay loke ki jaanan ki asar hai ishq de teran da
Share This Naat
Share with friends and family
تیرے شہر دیاں گلایاں ہوون ساڈا ہوے حال فقیراں دا
عبدالستار نیازی