Manqabat
نظر میں رہتی ہے ہر دَم شکلِ نُورانی
نظر میں رہتی ہے ہر دَم شکلِ نُورانی
مِرے نصیب میں ہےعشقِ شاہِؒ جیلانی
Nazar mein rahti hai har dam shakl-e-noorani
Mire naseeb mein hai ishq-e-shahؒ-e-jeelani
نظر نظر میں توجّہ سے اُن کی، تابانی
ہمارے دل میں ہے روشن چراغِ عرفانی
Nazar nazar mein tawajjo se un ki, tabani
Humare dil mein hai roshan charagh-e-irfani
دُعا یہ ہے کہ طفیلِ نگاہِ غوثِؒ ورٰی
اُٹھے نہ سجدہء ربُّ العُلیٰ سے پیشانی
Dua yeh hai ke tufail-e-nigah-e-ghausؒ-e-wara
Uthe na sajda-e-rabb-ul-ulٰa se peshaani
بالا تّفاق ہیں سردار آپ ولیوں کے
جواب رکھتی نہیں آپ کی جہانبانی
Bala tawafaq hain sardar aap waalion ke
Jawab rakhti nahin aap ki jehanbani
یہ اُن کے لُطف نگاہِ کرم کا صدقہ ہے
مسّرتوں کی مِرے حق میں ہے فراوانی
Yeh un ke lutf nigah-e-karam ka sadqa hai
Masarraton ki mire haq mein hai farawani
قدم بڑھاؤ یہ پیرانِ پیرؒ کا در ہے
بِچھا ہُوا ہے پئے خَلق ، خوانِ رُوحانی
Qadam barao yeh peeran-e-peerؒ ka dar hai
Bicha hua hai pye khalq, khawan-e-roohani
وہ ہیں خدا کے ، خدا اُن کا ہے ، خدا کی قسم
مِٹے گی اُن کے اشارے سے ہر پریشانی
Woh hain khuda ke, khuda un ka hai, khuda ki kasam
Mite gi un ke ishare se har pareshani
وہ ذات ایسی ، قدم اولیا کی گردن پر
صفات ایسی فرشتوں کی جس پہ حیرانی
Woh zaat aisi, qadam awliya ki gardan par
Sifaat aisi farishton ki jis pe hairani
وہ رہنما ہیں وہ ہیں دستگیرِ خلقِ خدا
کرامتوں میں وہ یکتا کرم میں لاثانی
Woh rahnuma hain woh hain dastgir-e-khalq-e-khuda
Karamaton mein woh yakta karam mein laasani
خدا کا شکر کہ ہیں مہرباں شہِؒ جیلاں
نصیؔر فکر کوئی ہے نہ اب پریشانی
Khuda ka shukar ke hain meharbaan shahؒ-e-jeelan
Nasirؔ fikr koi hai na ab pareshani
Share This Naat
Share with friends and family
نظر میں رہتی ہے ہر دَم شکلِ نُورانی
سید نصیرالدیں نصیر