ترا کرم ہے کہ میں سر اُٹھا کے چلتا ہوں
دیئے انا کے ہوا میں جلا کے چلتا ہوں
Tera karam hai keh mein sir uta ke chalta hoon
Diye ana ke hawa mein jala ke chalta hoon
عجب سُرور ہے آقاؐ تری محبت کا
میں ہوش میں ہوں مگر لڑکھڑا کے چلتا ہوں
Ajab suroor hai Aqa (SAW) teri muhabbat ka
Mein hosh mein hoon magar larkhara ke chalta hoon
بڑے بڑوں کو بھی لاتا نہیں میں خاطر میں
بڑے بڑوں سے نگاہیں مِلا کے چلتا ہوں
Baday badon ko bhi laata nahi mein khatir mein
Baday badon se nigahein mila ke chalta hoon
قدم قدم پہ جو بیٹھے ہیں خود خدا بن کر
انہی بُتوں کو زمیں پر گِرا کے چلتا ہوں
Qadam qadam pe jo baithay hain khud Khuda ban kar
Inhi buton ko zameen par gira ke chalta hoon
چھلک نہ جائے کہیں دل تری محبت سے
میں لمحہ لمحہ اسی کو بچا کے چلتا ہوں
Chhalak na jaye kahin dil teri muhabbat se
Mein lamha lamha isi ko bacha ke chalta hoon
خوشی ملے تو میں روتا ہوں ٹُوٹ کر برسوں
وفُورِ غم سے مگر مسکرا کے چلتا ہوں
Khushi mile to mein rota hoon toot kar barson
Vafur-e-gham se magar muskara ke chalta hoon
Share This Naat
Share with friends and family
ترا کرم ہے کہ میں سر اُٹھا کے چلتا ہوں
انجم نیازی