بادشاہی ماہ سے ہے تا بہ ماہی آپؐ کی
یہ زمیں، یہ چاند، دیتے ہیں گواہی آپؐ کی
Badshahi mah se hai ta ba mahi aap ﷺ ki
Yeh zameen, yeh chaand, dete hain gawahi aap ﷺ ki
آپؐ ہیں نُورِ ازل، محبوبِ ربِّ کائنات
جان و دل، ارض و سما پر بادشاہی آپؐ کی
Aap ﷺ hain noor-e-azal, mahboob-e-Rabb-e-kainaat
Jaan o dil, arz o sama par badshahi aap ﷺ ki
غیر ممکن ہے کسی سے آپؐ کی مدح و ثنا
ہے ثنا خواں آپ جب ذاتِ الٰہی آپؐ کی
Ghair mumkin hai kisi se aap ﷺ ki madah o sana
Hai sana khwaan aap jab zaat-e-Ilahi aap ﷺ ki
کی امامت انبیؑاء کی آپؐ نے معراج میں
مان لی اک اک نبیؑ نے سربراہی آپؐ کی
Ki imamat ambiya ki aap ﷺ ne Mairaj mein
Maan li ek ek Nabi ne sarbarahi aap ﷺ ki
کثرتِ عصیاں سے نادم ہُوں، نہیں مایوس مَیں
ڈھال ہے میرے لیے عالَم پناہی آپؐ کی
Kasrat-e-isyan se nadim hoon, nahi mayoos main
Dhaal hai mere liye aalm panahi aap ﷺ ki
اک نگاہِ لُطف سے سب کام میرے بن گئے
حشر میں کام آئی میرے، خیر خواہی آپؐ کی
Ek nigah-e-lutf se sab kaam mere ban gaye
Hashr mein kaam aayi mere, khair khwahi aap ﷺ ki
بے نیازِ مال و منصب ہے نصیرؔ سیر چشم
آپؐ کے خادِم کو کافی ہے دُعا ہی آپؐ کی
Be niyaz-e-mal o mansab hai Naseer ser chashm
Aap ﷺ ke khadm ko kaafi hai dua hi aap ﷺ ki
Share This Naat
Share with friends and family
بادشاہی ماہ سے ہے تا بہ ماہی آپؐ کی
سید نصیرالدیں نصیر