ترے دَربار کے جبریل دَرباں یَارَسُوَلَ اللہ
تری سرکار کے خادم ہیں رِضواں یَارَسُوْلَ اللہ
Tere d'arbar ke Jibreel d'arbaan ya rasool Allah
Teri sarkar ke khadim hain rizwaan ya rasool Allah
ہزاروں ناظرہ پڑھ پڑھ کے حافظ ہوگئے اس کے
تمہارا مُصْحَفِ رُخ ہے کہ قرآں یَارَسُوْلَ اللہ
Hazaron naazirah paRh paRh ke haafiz hogaye is ke
Tumhara mushaf-e-rukh hai ke qur'aan ya rasool Allah
تری سیرت نے لاکھوں بت پرستوں کو کیا مومن
تری صورت دَوائے دَرد منداں یَارَسَُوْلَ اللہ
Teri seerat ne laakhon but paraston ko kiya momin
Teri soorat dawa-e-dard mandaan ya rasool Allah
دُرِ دَندانِ اَقدس کی جھلک کا ایک پرتو ہے
جو ہیں اَفلاک پر اَنجم درخشاں یَارَسَُوْلَ اللہ
Dur-e-dandaan-e-aqdas ki jhalak ka aik partow hai
Jo hain aflaak par anjum d'urakhshaan ya rasool Allah
مصیبت دور بھاگے مشکلیں آساں ہوں فوراً
پکارے جو کوئی تم کو مسلماں یَارَسُوْلَ اللہ
Maseebat door bhaage mushkilain aasaan hon foran
Pukare jo koi tum ko musalmaan ya rasool Allah
ترا اِک قطرئہ دَریائے رَحمت سرخرو کردے
گناہوں نے کیا بے حد پشیماں یَارَسُوْلَ اللہ
Tera ik qat'ra-e-darya-e-rahmat sar khuw kar de
Gunahon ne kiya bay had pashemaan ya rasool Allah
شہید کربلا کی پیاس کا صدقہ برس جائے
سیہ کاروں پہ تیرا اَبرِ نیساں یَارَسُوْلَ اللہ
Shaheed-e-Karbala ki pyaas ka sadqa baras jaaye
Siyah kaaron pe tera abr-e-neesaan ya rasool Allah
اَثر کیوں کر کرے گی آفتابِ حشر کی گرمی
مرے سر پر تو ہوگا تیرا دَاماں یَارَسُوْلَ اللہ
Asar kyun kar karegi aaftaab-e-Hashr ki garmi
Mere sar par to hoga tera daamaan ya rasool Allah
تجھے دیکھوں تیرے یاروں کو دیکھوں اور ترے رب کو
مجھے ہو عید گہ محشر کا میداں یَارَسُوْلَ اللہ
Tujhe dekhun tere yaaron ko dekhun aur tere Rab ko
Mujhe ho eid gah-e-mahshar ka maidan ya rasool Allah
قیامت میں مدد کرنا مری اے شافع محشر
بجز تیرے وہاں ہے کون پرساں یَارَسُوْلَ اللہ
Qayamat mein madad karna meri ae shafi-e-mahshar
Bajaz tere wahan hai kaun parsan ya rasool Allah
براتی ساتھ ہوں دولہا کے جب میدانِ محشر میں
تو اس میں میں بنوں تیرا ثناخواں یَارَسُوْلَ اللہ
Baraati saath hon dulha ke jab maidan-e-mahshar mein
To is mein mein banoon tera sana khwaan ya rasool Allah
خریداروں میں اس عاصی کو بھی فرمائیے شامل
کھلے جب حشر میں رحمت کی دُ ّکاں یَارَسُوْلَ اللہ
Khreedaaron mein is 'aasi ko bhi farmaaiye shaamil
Khule jab hashr mein rahmat ki dukaan ya rasool Allah
اَجل نزدیک ہے اُس سبز گنبد کی زِیارت کا
کہیں دِل ہی میں لیجاؤں نہ اَرماں یَارَسُوْلَ اللہ
Ajal nazdeek hai us sabz gunbad ki ziarat ka
Kahin dil hi mein lejaaoon na armaan ya rasool Allah
سنہری جالیوں کے سامنے گر میرا دم نکلے
مُیَسَّر ہو مجھے لطفِ فراواں یَارَسُوْلَ اللہ
Sunehri jaaliyon ke samne gar mera dam nikle
Muýassar ho mujhe lutf-e-farawa ya rasool Allah
جو منکر ہیں وہ جلتے ہیں نبی کے نامِ نامی سے
پکارا کرتے ہیں ہر دَم مسلماں یَارَسُوْلَ اللہ
Jo munkir hain wo jalte hain Nabi ke naam-e-naami se
Pukaara karte hain har dam musalmaan ya rasool Allah
جمیلِؔ قادری دَربارِ حق میں پیش ہو جس دم
تو کہہ دینا یہ ہے میرا ثنا خواں یَارَسُوْلَ اللہ
Jamil Qadri d'arbar-e-Haq mein paish ho jis dam
To keh dena yeh hai mera sana khwaan ya rasool Allah
Share This Naat
Share with friends and family
ترے دَربار کے جبریل دَرباں یَارَسُوَلَ اللہ
جمیل الرحمن قادری