مہکے تمہاری یاد سے یوں قریۂ وجود
سانسیں پڑھیں سلام، پڑھیں دھڑکنیں درود
Mehke tumhari yaad se yun qarya-e-wujood
Saansen parhein salaam, parhein dhadkanen durood
شاخِ خیالِ شوق پہ ہو دید کا ثمر
یوں کشتِ جاں میں نخلِ تمنّا کی ہو نمود
Shaakh-e-khayal-e-shauq pe ho deed ka samar
Yun kasht-e-jaan mein nakhl-e-tamanna ki ho namood
چہرہ ہو سمتِ کعبہ تو دل ہو تری طرف
کیف و سرور و نُور میں ڈوبے رہیں سجود
Chehra ho simt-e-Kaaba to dil ho teri taraf
Kaif o suroor o noor mein doobay rahen sajood
عقل و دل و نگاہ کروں فرشِ راہ مَیں
میرے خیامِ عجز میں گر ہو ترا ورود
Aqal o dil o nigah karun farsh-e-rah mein
Mere khayam-e-ajz mein gar ho tera varood
جاری ہیں کائنات میں تجھ سے محبّتیں
تُو مصدرِ سلام ہے اے مظہرِ ودود!
Jaari hain kainaat mein tujh se mohabbatain
Tu masdar-e-salaam hai ay mazhar-e-wudood!
دھومیں مچی ہیں شاہ ! ترے نامِ پاک کی
ہر ایک پڑھ رہا ہے تری ذات پر درود
Dhoomen machi hain Shah! Tere naam-e-pak ki
Har aik parh raha hai teri zaat par durood
موسیٰ سے تھی کلام کے عزّ و شرف کی بات
تیرے لیے تھا شاہد و مشہود کا شہود
Moosa se thi kalaam ke izz o sharaf ki baat
Tere liye tha shahid o mashhood ka shahood
مقصو دِ نعت نوری ہے مقصودِ جاں کے نام
سانسیں پڑھیں سلام پڑھیں دھڑ کنیں درود
Maqsood-e-naat Noori hai maqsood-e-jaan ke naam
Saansen parhein salaam parhein dhadkanen durood
Share This Naat
Share with friends and family
مہکے تمہاری یاد سے یوں قریۂ وجود
محمد ظفراقبال نوری