رشکِ قمر ہُوں رنگ رُخِ آفتاب ہُوں
ذرّہ تِرا جو اے شہِ گَردُوں جناب ہُوں
Rashk-e qamar hoon rang rukh-e aaftab hoon
Zarrah teraa jo aye sheh-e gardoon janab hoon
دُرِّ نجف ہُوں گوہَرِ پاکِ خوشاب ہُوں
یعنی تُرابِ رہ گزر بُو تُراب ہُوں
Dur-e najaf hoon gohar-e paak-e khushab hoon
Ya'ni turaab-e rah guzar boo turaab hoon
گر آنکھ ہُوں تو اَبر کی چشم پُر آب ہُوں
دِل ہُوں تو برق کا دلِ پُر اضطراب ہُوں
Gar aankh hoon to abr ki chashm pur aab hoon
Dil hoon to barq ka dil-e pur iztiraab hoon
خونیں جگر ہُوں طائر بے آشیاں شہا
رنگِ پریدۂ رُخِ گل کا جواب ہُوں
Khoonin jigar hoon taair be aashiyaan sheha
Rang-e pareedah-e rukh-e gul ka jawab hoon
بے اصل و بے ثبات ہُوں بحرِ کرم مدد
پَرْوَرْدَۂ کنارِ سُراب و حَباب ہُوں
Be asal o be sabat hoon bahr-e karam madad
Parwardah-e kinaar-e suraab o habaab hoon
عبرت فزا ہے شرمِ گنہ سے مِرا سکوت
گویا لبِ خموشِ لحد کا جواب ہُوں
Ibrat faza hai sharm-e gunah se mera sukoot
Goya lab-e khamosh-e lahd ka jawab hoon
کیوں نالہ سوز لَے کروں کیوں خونِ دل پیوں
سیخِ کباب ہُوں نہ میں جامِ شراب ہُوں
Kyun nala soz le karoon kyun khoon-e dil piyoon
Seekh-e kabaab hoon na main jaam-e sharaab hoon
دل بستہ بے قرار، جگر چاک، اشکبار
غنچہ ہوں گل ہُوں برق تپاں ہُوں سحاب ہُوں
Dil basta be qaraar, jigar chaak, ashkbaar
Ghuncha hoon gul hoon barq tapaan hoon sahaab hoon
دعویٰ ہے سب سے تیری شفاعت پہ بیشتر
دفتر میں عاصیوں کے شہا اِنتخاب ہُوں
Da'waa hai sab se teri shafaa'at pe beshtar
Daftar mein aasion ke sheha intikhaab hoon
مولیٰ دُہائی نظروں سے گِر کر جلا غلام
اشکِ مژہ رسیدۂ چشم کباب ہُوں
Maula duhai nazron se gir kar jala ghulaam
Ashk-e muzha raseedah-e chashm kabaab hoon
مِٹ جائے یہ خودی تو وہ جلوہ کہاں نہیں
دردا میں آپ اپنی نظر کا حجاب ہُوں
Mit jaaye yeh khudi to woh jalwah kahaan nahi
Darda main aap apni nazar ka hijaab hoon
صَدقے ہوں اس پہ نار سے دیگا جو مخلصی
بلبل نہیں کہ آتشِ گل پر کباب ہُوں
Sadqe hoon us pe naar se deega jo mukhlisi
Bulbul nahi ke aatish-e gul par kabaab hoon
قالب تہی کیے ہمہ آغوش ہے ہلال
اے شہسَوار طیبہ! میں تیری رکاب ہُوں
Qaalib tehi kiye hama aghosh hai hilaal
Ae shahsawaar-e tayyiba! main teri riqaab hoon
کیا کیا ہیں تجھ سے ناز تِرے قصر کو کہ میں
کعبہ کی جان، عرشِ بریں کا جواب ہُوں
Kya kya hain tujh se naaz tere qasr ko ke main
Kaaba ki jaan, arsh-e bareen ka jawab hoon
شاہا بُجھے سقر مِرے اشکوں سے تانہ میں
آبِ عبث چکیدۂ چشمِ کباب ہُوں
Shaha bujhe saqar mere ashkon se ta na main
Aab-e abas chakeedah-e chashm-e kabaab hoon
میں تو کہا ہی چاہوں کہ بندہ ہُوں شاہ کا
پر لُطف جب ہے کہدیں اگر وہ جناب’’ہُوں ‘‘
Main to kaha hi chaahoon ke banda hoon shaah ka
Par lutf jab hai kahdein agar woh janab "hoon"
حسرت میں خاک بوسیِ طیبَہ کی اے رضاؔ
ٹپکا جو چشمِ مہر سے وہ خونِ ناب ہوں
Hasrat mein khaak boosi-e tayyiba ki aye Raza
Tapka jo chashm-e mehr se woh khoon-e naab hoon
Share This Naat
Share with friends and family
رشکِ قمر ہُوں رنگ رُخِ آفتاب ہُوں
احمد رضا خان بریلوی