حرفِ مدحت جو مری عرضِ ہنر میں چمکا
میرا ہر حرف زمانے کی نظر میں چمکا
Harf-e-mad'hat jo meri arz-e-hunar mein chamka
Mera har harf zamane ki nazar mein chamka
دے گیا کتنے شرف ایک سیہ پتھر کو
ایک بوسہ جو ترے لب سے حجر میں چمکا
De gaya kitne sharf ek siyah pathar ko
Ek bosa jo tere lab se hijr mein chamka
وجہِ شادابیٔ عالم ہے یہ رنگِ اخضر
ہر زمانے میں ہر اک برگِ شجر میں چمکا
Wajah-e-shadabi-e-alam hai yeh rang-e-akhzar
Har zamane mein har ek barg-e-shajar mein chamka
واسطہ ان کا دیا صلِ علٰی پڑھتے ہوئے
میرا ہر حرفِ دعا بابِ اثر میں چمکا
Wasta unka diya sal-e-ala parte hue
Mera har harf-e-dua bab-e-asar mein chamka
کیسے ہو شہرِ مدینہ کی بلندی کا بیاں
جس کے ذرے کا بدن روئے قمر میں چمکا
Kaise ho shehr-e-Madina ki bulandi ka bayan
Jis ke zarre ka badan roye qamar mein chamka
خواب خواہش کے حسیں طاق پہ رکھا ہی رہا
لمعۂ یاد مرے شام و سحر میں چمکا
Khawab khwahish ke haseen taaq pe rakha hi raha
Lam'a-e-yaad mere shaam o sehar mein chamka
ٹوٹتے حوصلے اشفاق جواں ہونے لگے
گنبدِ سبز مری راہ گزر میں چمکا
Tootte hosle Ashfaq jawan hone lage
Gunbad-e-sabz meri rahguzar mein chamka
Share This Naat
Share with friends and family
حرفِ مدحت جو مری عرضِ ہنر میں چمکا
اشفاق احمد غوری