دامن طلب اس لئے پھیلائے ہوئے ہیں
محفل میں عطا بن کے حضور آئے ہوئے ہیں
Daman talab is liye phelae huye hain
Mahfil mein ata ban ke huzoor aaye huye hain
گیسو تیری رحمت کے جو لہرائے ہوئے ہیں
لگتا ہے مجھے ابر کرم چھائے ہوئے ہیں
Gesu teri rehmat ke jo lehraye huye hain
Lagta hai mujhe abr-e-karam chhaye huye hain
الله و غنی شہر محبت کی ہوائیں
زخم دل محزوں کی دوا پائے ہوئے ہیں
Allah-o-ghani shehr-e-mohabbat ki hawaen
Zakhm-e-dil mehzoon ki dawa paaye huye hain
ہے ان کا خدا ساری خدائی بھی انہی کی
جو سیرت سرکار کو اپنائے ہوئے ہیں
Hai un ka khuda sari khudai bhi inhi ki
Jo seerat-e-sarkar ko apnaye huye hain
دیکھا تو نہیں ہے انہیں محسوس کیا ہے
اللہ کے محبوب یہاں آئے ہوئے ہیں
Dekha to nahi hai unhein mehsoos kiya hai
Allah ke mehboob yahan aaye huye hain
اے چشم بہاراں کبھی ان پر بھی توجہ
وہ پھول محبت کے جو مرجھائے ہوئے ہیں
Ae chashm-e-baharaan kabhi un par bhi tawajjo
Wo phool mohabbat ke jo murjhae huye hain
کنعان کا ہو چاند یا ہو چاند فلک کا
سرکار کے آگے سبھی گہنائے ہوئے ہیں
Kan'an ka ho chaand ya ho chaand falak ka
Sarkar ke aage sabhi ghanae huye hain
دنیا کے سوا ان سے نہ کچھ مانگ سکے ہم
اب تک اسی اک بات پہ شرمائے ہوئے ہیں
Duniya ke siwa unse na kuch maangh sake hum
Ab tak isii ek baat pe sharmae huye hain
اب جا کے اٹھائیں گئے حضوری کے مزے وہ
پیغام مدینے سے جنہیں آئے ہوئے ہیں
Ab ja ke uthayein gaye huzoori ke maze wo
Paighaam-e-madinee se jinhein aaye huye hain
بگڑی نہیں پھر ان کے مقدر کی ہوائیں
جو دامن رحمت کی ہوا کھائے ہوئے ہیں
Bigri nahi phir un ke muqaddar ki hawaein
Jo daman-e-rehmat ke hua khaye huye hain
اس بزم میں انوار محمد کی ہے بارش
صد شکر کہ اس بزم میں ہم آئے ہوئے ہیں
Is bazm mein anwaar-e-Mohammad ki hai baarish
Sad shukar ke is bazm mein hum aaye huye hain
اب ہاتھ سے چھوٹے نہ کہیں ہوش کا دامن
ہم سرحد طیبہ کے قریں آئے ہوئے ہیں
Ab haath se chhute na kahin hosh ka daman
Hum sarhad-e-tayyiba ke qareen aaye huye hain
لو گنبد خضری بھی لگا دینے دکھائی
ارمان میری روح کو مہکائے ہوئے ہیں
Lo gunbad-e-khazra bhi laga dene dikhai
Armaan meri rooh ko mehakaye huye hain
مجھ سے تو نیازی نہ رقم ہوں گے کبھی بھی
جو مجھے یہ کرم آپ نے فرمائے ہوئے ہیں
Mujh se to Niazi na raqam honge kabhi bhi
Jo mujhe ye karam aapne farmae huye hain
Share This Naat
Share with friends and family
دامن طلب اس لئے پھیلائے ہوئے ہیں
عبدالستار نیازی