ترا قرآن تری ذات کی تصویرِ مبیں ہے
تری سیرت ترے قرآن کی تنویرِ مبیں ہے
Tera quraan teri zaat ki tasweer-e-mubeen hai
Teri seerat tere quraan ki tanweer-e-mubeen hai
ترا قرآن تری سیرتِ اطہر کا قصیدہ
تری سیرت ترے قرآن کی تفسیرِ مبیں ہے
Tera quraan teri seerat-e-athar ka qaseeda
Teri seerat tere quraan ki tafseer-e-mubeen hai
ترا قرآن ترے خلق کی تابندہ روایت
تری سیرت ترے قرآن کی تعبیرِ مبیں ہے
Tera quraan tere khulk ki tabinda riwayat
Teri seerat tere quraan ki tabeer-e-mubeen hai
ترا قرآن تری مہر و محبت کی حکایت
تری سیرت ترے قرآن کی تاثیرِ مبیں ہے
Tera quraan teri mehar o mohabbat ki hikayat
Teri seerat tere quraan ki taseer-e-mubeen hai
ترا قرآن شب و روزِ گرامی کا جریدہ
تری سیرت ترے قرآن کی تشہیرِ مبیں ہے
Tera quraan shab o roz-e-graami ka jareeda
Teri seerat tere quraan ki tasheer-e-mubeen hai
ترا قرآن ترا شیریں و جاں بخش تکلّم
تری سیرت ترے قرآن کی تقریرِ مبیں ہے
Tera quraan tera sheereen o jaan bakhsh takallum
Teri seerat tere quraan ki taqreer-e-mubeen hai
ترا قرآن ترے دین کا مرقوم صحیفہ
تری سیرت ترے قرآن کی تحریرِ مبیں ہے
Tera quraan tere deen ka marqoom saheefa
Teri seerat tere quraan ki tehreer-e-mubeen hai
ترا قرآن تری حکمتِ عالی کی وضاحت
تری سیرت ترے قرآن کی تدبیرِ مبیں ہے
Tera quraan teri hikmat-e-aali ki wazahat
Teri seerat tere quraan ki tadbeer-e-mubeen hai
ترا قرآن تری شانِ ’’رفعنا لک ذکر ک ‘‘
تری سیرت ترے قرآن کی تکبیرِ مبیں ہے
Tera quraan teri shaan-e-’’rafana lak zikr k’’
Teri seerat tere quraan ki takbeer-e-mubeen hai
ترا قرآن رہے نورئ بے دل کا مربیّ
تری سیرت مرے آقا مری تعمیرِ مبیں ہے
Tera quraan rahay noor-e-bə dil ka murrabbi
Teri seerat mere aqa meri taameer-e-mubeen hai
Share This Naat
Share with friends and family
ترا قرآن تری ذات کی تصویرِ مبیں ہے
محمد ظفراقبال نوری