چاندنی آ کے افلاک سے رات بھر
چومتی ہے مدینے کے دیوار و در
Chaandni aa ke aflak se raat bhar
Chumti hai Madine ke deewaar o dar
نعت کے اوج کو چھو لیا حرف نے
میرے الفاظ ہونے لگے معتبر
Naat ke ooj ko choo liya harf ne
Mere alfaaz hone lage mo'tabar
سبز گنبد مواجہ ریاضِ جناں
دیکھنے کو تڑپتا ہوں شام و سحر
Sabz gumbad mavajah riyadh-e-janaan
Dekhne ko tarapta hoon shaam o sehar
ارضِ طیبہ ہے لاریب رشکِ جناں
سنگریزے مدینے کے شمس و قمر
Arz-e-Taiba hai laa-raib rashk-e-jinaan
Sangrezay Madine ke shams o qamar
میں خطا کار ہوں اور نادم بھی ہوں
اے رسولِ خدا کیجئے در گزر
Main khataa kaar hoon aur nadim bhi hoon
Ai Rasool-e-Khuda kijiye dar guzar
آج اذنِ حضوری ملا ہے مجھے
ماہِ تقدیر ہے ضوفشاں اوج پر
Aaj izn-e-hazoori mila hai mujhe
Mah-e-taqdeer hai zaufashaan ooj par
ربِ کونین ہے واقفِ شانِ اُو
ان کی رفعت سے انسان ہے بے خبر
Rabb-e-Konain hai waaqif-e-shaan-e-uu
Un ki rafat se insaan hai be khabar
سر سے جھکنے کا سودا نکلتا نہیں
جب تلک پیش منظر میں ہے سنگِ در
Sar se jhukne ka sauda nikalta nahi
Jab talak paish manzar mein hai sang-e-dar
سارے اسبابِ تزئین چاکر ترے
پھول شبنم کلی باغ پتے شجر
Saare asbab-e-tazyeen chaakar tere
Phool shabnam kali baagh patte shajar
ساری سوچیں مواجہ پہ ہیں سر بہ خم
مل گیا ہے خیالات کو مستقر
Saari sochain mavajah pe hain sar ba khum
Mil gaya hai khayalaat ko mustaqarr
شاہِ بطحا کا بے حد کرم ہی تو ہے
نعت کہتا ہے اشفاق سا بے ہنر
Shah-e-Batha ka be had karam hi to hai
Naat kehta hai Ashfaq sa be hunar
Share This Naat
Share with friends and family
چاندنی آ کے افلاک سے رات بھر
اشفاق احمد غوری