اے کاش وہ دن کب آئیں گے جب ہم بھی مدینہ جائیں گے
دامن میں مُرادیں لائیں گے جب ہم بھی مدینہ جائیں گے
Ae kaash woh din kab aayenge jab hum bhi Madina jayenge
Daaman mein muraden layenge jab hum bhi Madina jayenge
بیتابیِ اُلفت کی دُھن میں ہم دیدہ و دل کے بربط پر
توحید کے نغمے گائیں گے جب ہم بھی مدینہ جائیں گے
Betaabi-e-ulfat ki dhun mein hum deedah o dil ke barbat par
Tauheed ke naghme gayenge jab hum bhi Madina jayenge
تھامیں گے سنہری جالی کو چُومیں گے معطّر پردوں کو
قسمت کو ذرا سُلجھائیں گے جب ہم بھی مدینہ جائیں گے
Thaamenge sunehri jali ko choomenge muattar pardo ko
Qismat ko zara suljhayein ge jab hum bhi Madina jayenge
زَم زَم میں بھگو کر دامن کو سرمستئ عرفاں پائیں گے
کوثر کے سبُو چھلکائیں گے جب ہم بھی مدینہ جائیں گے
Zam Zam mein bhigo kar daaman ko saraste Arfan payenge
Kausar ke sabu chhalkaenge jab hum bhi Madina jayenge
ہنستی ہوئی کِرنیں پھُوٹیں گی ظلمات کے قلعے ٹوٹیں گے
جَلووں کے علَم لہرائیں گے جب ہم بھی مدینہ جائیں گے
Hasti hui kirnein phootengi zulmata ke qile tootenge
Jalwon ke alam lehraenge jab hum bhi Madina jayenge
ہم خاکِ درِ اقدس لے کر پلکوں پہ سجائیں گے ساغرؔ
یوں دل کا چمن مہکائیں گے جب ہم بھی مدینہ جائیں گے
Hum khaak-e-dar-e-aqdas le kar palkon pe sajayenge Sagar
Yun dil ka chaman mehakayenge jab hum bhi Madina jayenge
Share This Naat
Share with friends and family
اے کاش وہ دن کب آئیں گے جب ہم بھی مدینہ جائیں گے
ساغر صدیقی