مختصر سی مری کہانی ہے
جو بھی ہے ان کی مہربانی ہے
Mukhtasir si meri kahani hai
Jo bhi hai un ki meherbani hai
جتنی سانسوں نے نا کا نام لیا
بس وہی میری زندگانی ہے
Jitni sanson ne na ka naam liya
Bas wohi meri zindagani hai
کیف طاری ہو اشکباری ہو
یہ ہی ماحول نعت خوانی ہے
Kaif tari ho ashkbari ho
Ye hi mahol naat khwani hai
چشم تر سے سنائیں حال اپنا
خوش بیانی تو آنی جانی ہے
Chashm tar se sunain hal apna
Khush bayani to ani jani hai
ذکرِ سرکارؐ ہی رہے گا بس
باقی جو کچھ بھی ہے وہ فانی ہے
Zikr-e-sarkar ﷺ hi rahe ga bas
Baqi jo kuch bhi hai woh fani hai
حبِّ سرکار جس کا جوبن ہو
قابلِ دید وہ جوانی ہے
Hub-e-sarkar jis ka joban ho
Qabil-e-deed woh jawani hai
ان کی الفت بھی دل میں پیدا کر
ان کو صورت اگر دکھانی ہے
Un ki ulfat bhi dil mein paida kar
Un ko surat agar dikhani hai
دل وہی عشق سے جو ہو معمور
گھر وہی جس میں شادمانی ہے
Dil wohi ishq se jo ho mamoor
Ghar wohi jis mein shadmani hai
اک تمنا ظہوریؔ ہے دل کی
نعت ان کی انہیں سنانی ہے
Ek tamanna Zahoori hai dil ki
Naat un ki unhein sunani hai
Share This Naat
Share with friends and family
مختصر سی مری کہانی ہے
محمد علی ظہوری