ذکرِ سرکار سے ہے فضا مطمئن
پھول، خوشبو، چمن اور ہَوا مطمئن
Zikr-e-sarkar se hai fiza mutma'in
Phool, khushboo, chaman aur hawa mutma'in
بھیج کر ذاتِ والا پہ پیہم درود
ہیں گدائے شہِ دوسرا مطمئن
Bheej kar zaat-e-wala pe peham durood
Hain gadaaye shah-e-dosra mutma'in
آئی ہے روضۂ پاک کو چوم کر
کیوں نہ اڑتی پھرے پھر صبا مطمئن
Aayi hai roza-e-pak ko choom kar
Kyun na urti phire phir saba mutma'in
مشکلوں میں جو دی میں نے ان کو صدا
مضطرب دل مرا ہو گیا مطمئن
Mushkilon mein jo di maine un ko sada
Muztarib dil mera ho gaya mutma'in
میں ازل سے غلامی میں ہوں آپ کی
ہوں اس اعزاز پر میں بڑامطمئن
Main azal se ghulami mein hoon aap ki
Hoon is aizaaz par main bara mutma'in
سامنے آپ کا روئے انور رہے
یوں رہوں میں بوقتِ قضا مطمئن
Samne aap ka rooye anwar rahe
Yun rahoon main ba-waqt-e-qaza mutma'in
ان کی یادوں میں آصف ہوا محو جو
میں نے دیکھا ہمیشہ رہا مطمئن
Un ki yaadon mein Asif hua mehav jo
Main ne dekha hamesha raha mutma'in
Share This Naat
Share with friends and family
ذکرِ سرکار سے ہے فضا مطمئن
محمد آصف قادری