درد کا درماں قرارِ جاں ہے نامِ مصطفےٰؐ
زندہ ہیں اس کے سہارے سب غلامِ مصطفےٰؐ
Dard ka darman qarar-e-jaan hai naam-e-Mustafaؐ
Zinda hain is ke saharay sab ghulaam-e-Mustafaؐ
ایک ہی صف میں کھڑے ہوتے تھے نادار و امیر
اللہ اللہ شوکتِ دربار عامِ مصطفےٰؐ
Ek hi saf mein kharay hotay thay nadar aur ameer
Allah Allah shaukat-e-darbaar aam-e-Mustafaؐ
گونج اٹھے دشت و جبل اللہ کی توحید سے
چار سُو پھیلا دیا حق نے پیامِ مصطفےٰؐ
Goonj uthay dasht o jabal Allah ki tauheed se
Chaar soo phaila diya haq ne payaam-e-Mustafaؐ
ان کے منہ سے جو بھی نکلا وہ ہے فرمانِ خدا
میں اسے قرآن سمجھوں یا کلامِ مصطفےٰؐ
Un ke munh se jo bhi nikla woh hai farmaan-e-Khuda
Main usay Quran samajhum ya kalaam-e-Mustafaؐ
عرش پر وہ تھے خدا تھا دوسرا کوئی نہ تھا
بالاتر ہے فہمِ انساں سے مقامِ مصطفےٰؐ
Arsh par woh thay Khuda tha doosra koi na tha
Bala-tar hai fehm-e-insaan se maqaam-e-Mustafaؐ
کاش دیکھیں ہم ظہوریؔ وہ سہانی صبح نور
روشنی پھیلائے جب ہر سُو نظامِ مصطفےٰؐ
Kaash dekhen hum Zahoori wo suhaani subah-e-noor
Roshni phailaaye jab har soo nizaam-e-Mustafaؐ
Share This Naat
Share with friends and family
درد کا درماں قرارِ جاں ہے نامِ مصطفےٰؐ
محمد علی ظہوری