ڈبو دیں گے مرا بیڑا حوادث
ہیں رہ کے راہ اے آقاؐ حوادث
Dubo den ge mera beRa hawadis
Hain rah ke raah-e-Aqa ﷺ hawadis
مخالف ہے ہوا چشمِ کرم ہو
اگلتے جاتے ہیں دریا حوادث
Mukhalif hai hawa chashm-e-karam ho
Uglte jate hain darya hawadis
ہمارے ناخدا جب ہیں پیمبر
بگاڑیں گے ہمارا کیا حوادث
Hamaray nakhuda jab hain paimbr
Bigarain ge hamara kya hawadis
اغثنی یا نبیؐ کشتی پہ لکھ دو
نہ ہوں گے پھر کبھی خطرہ حوادث
Aghisni ya Nabi ﷺ kashti pe likh do
Na hon ge phir kabhi khatra hawadis
خدا والوں کے ہوتے ہیں محافظ
تلاطم موج اور دریا حوادث
Khuda walon ke hote hain muhafiz
TalaTum mauj aur darya hawadis
خدا کا نام لیتے تھے مجاہد
بنا دیتے تھے خود رستہ حوادث
Khuda ka naam lete the mujahid
Bana dete the khud rasta hawadis
چلی کشتی غلامانِ نبیؐ کی
چھپائیں گے کدھر چہرہ حوادث
Chali kashti ghulaman-e-Nabi ﷺ ki
Chupayenge kidhar chehra hawadis
مجاہد جوش میں نکلے گھروں سے
سلامی کو جھکے صدہا حوادث
Mujahid josh mein nikle gharon se
Salami ko jhuke sadha hawadis
گھرا ہے بحرِ غم میں تیرا احسنؔ
ہیں بیٹھے تاک میں آقاؐ! حوادث
Ghera hai bahr-e-gham mein tera Ahsan
Hain baithe taak mein Aqa ﷺ! hawadis
Share This Naat
Share with friends and family
ڈبو دیں گے مرا بیڑا حوادث
احسن اعظمی