حبیبا اچی شان والیا جے توں آئیوں تےبہاراںآئیاں
اللہ نوں توں پیارا لگنا ایں تاہیوں رب نے وی خوشیاں منائیاں
Habiba uchi shaan waliya je toon aiyon te baharaan aaiyan
Allah nu toon piara lagna ain taahiun Rab ne vi khushiyan manaaiyan
زلف تری دے کنڈل سوہنے موہ لیندے نے دل من موہنے
چن سدا لُکدا پھرے تیرے مکھ دیاں ویکھ صفائیاں
Zulf teri de kundal sohne moh lainde ne dil man mohne
Chan sada lukda phire tere mukh diyan vekh safaaiyan
عرب شریف دیا سردارا آمنہ پاک دیا دلدارا
تیرے جیہا سوہنا سونیئے کدوں جمدیاں نت نت مائیاں
Arab sharif diyan sardara amna paak diyan dildara
Tere jieha sohna soniye kadon jamdiyan nat nat maaiyan
رحمت دی تساں اکھ جد کھولی پاک حلیمہ بھر لئی اے جھولی
لے گئی او خزانے رب دے خالی رہ گئیاں دوجیاں دائیاں
Rehmat di tasan akh jad kholi paak halima bhar layi ae jholi
Le gayi o khazane Rab de khaali reh gayiyan doojiyan daaiyan
جس پاسے تُساں کیتے اشارے ڈھل پئے اودھر مست نظارے
ظلمتاں دے بند ٹٹ گئے تساں رحمت انج برسائیاں
Jis paase tusan kite ishare dhal paae odhar mast nazare
Zulmataan de band tatt gaye tasan rehmat inj barsaiyan
خالق نے انج کرم کمایا جیویں کہیا تساں اُوویں بنایا
شان تیری نہیوں مکنی کئی صدیاں مکن تے آئیاں
Khaliq ne inj karam kamaya jeewen kahiya tasan uovin banaya
Shaan teri nahiun makni kai sadian makn te aaiyan
ناصر پڑھ پڑھ تیریاں نعتاں بُھل گیا سارے جگ دیاں باتاں
پیار تیرا پلے سوہنیا کی کرنیاں ہور کمائیاں
Nasir parh parh teriyan naataan bhul gaya saare jag diyan baataan
Piyaar tera pale sohnia ki karniyan hor kamaaiyan
Share This Naat
Share with friends and family
حبیبا اچی شان والیا
نامعلوم