’’شاخِ مژگاں پر کھلا حرفِ ثنا‘‘
عمر بھر لب پر رہا حرفِ ثنا
’’Shaakh-e-mizhgaan par khila harf-e-sana‘‘
Umar bhar lab par raha harf-e-sana
پائی لہجے نے حلاوت شہد کی
جب زباں پر آ گیا حرفِ ثنا
Pai lehje ne halawat shehd ki
Jab zabaan par aa gaya harf-e-sana
میں تہی دامن ، نکما ، بے عمل
بس وسیلہ بن گیا حرفِ ثنا
Main tehi daaman, nikamma, be amal
Bas waseela ban gaya harf-e-sana
ان کی خوشنودی ہے میرا مدّعا
مصطفےٰ کی ہے رضا حرفِ ثنا
Un ki khushnudi hai mera mad’a
Mustafa ki hai raza harf-e-sana
مصطفےٰ آئے لحد میں سامنے
پیشِ خدمت کر دیا حرفِ ثنا
Mustafa aaye lahad mein saamne
Paish-e-khidmat kar diya harf-e-sana
اس لئے رہتا ہوں آقا ! پرسکوں
حشر کا ہے آسرا حرفِ ثنا
Is liye rahta hoon aaqa! pursukoon
Hashr ka hai aasra harf-e-sana
آگئی کشتی مری گرداب میں
مل گیا ہے ناخدا ، حرفِ ثنا
Aa gayi kashti meri gardaab mein
Mil gaya hai naakhuda, harf-e-sana
تا دمِ آخر رہے وردِ زباں
ہے جلیل اپنی دعا ، حرفِ ثنا
Ta dam-e-aakhir rahe wird-e-zabaan
Hai Jaleel apni dua, harf-e-sana
Share This Naat
Share with friends and family
شاخِ مژگاں پر کھلا حرفِ ثنا
حافظ عبدالجلیل