اتنی پاکیزہ کہاں مٹی کسی کے شہر میں
آدمی پاؤں کہاں رکھے نبیؐ کے شہر میں
Itni paakeeza kahan matti kisi ke shehar mein
Admi paaon kahan rakhay Nabiؐ ke shehar mein
سُونگھنے کو بھی نہیں ملتیں وہاں تاریکیاں
روشنی ہی روشنی ہے روشنی کے شہر میں
Soonghnay ko bhi nahi miltein wahan tareekiyan
Roshni hi roshni hai roshni ke shehar mein
ہر گھڑی ہر اِک پہ ہوتا ہے مسّرت کا نُزول
غم بدل جاتے ہیں خوشیوں میں خوشی کے شہر میں
Har ghari har ik pe hota hai musarrat ka nuzool
Gham badal jatay hain khushiyon mein khushi ke shehar mein
بے ادب ہے جو نہ بھیجے میرے آقاؐ پر درُود
کُشتنی ہے جو نہ مانگے اُس سخیؐ کے شہر میں
Be adab hai jo na bhejey mere Aqaؐ par darood
Kushtani hai jo na maangey us Sakhiؐ ke shehar mein
عالمِ اسلام کو ہے فخر اُن کی ذات پر
سو رہے ہیں جو نبیؐ کے گھر نبیؐ کے شہر میں
Alam-e-Islam ko hai fakhr un ki zaat par
So rahay hain jo Nabiؐ ke ghar Nabiؐ ke shehar mein
نورؐ کی کتنی ہیں کرنیں ہر طرف پھیلی ہوئی
کِس قدر روشن ستارے ہیں وحی کے شہر میں
Noorؐ ki kitni hain kiranain har taraf phaili hui
Kis qadar roshan sitarey hain wahi ke shehar mein
ڈھونڈتا ہے تُو جسے وہ چیز یاں ناپید ہے
موت کا کیا کام انجؔم زندگی کے شہر میں
Dhoondta hai tu jise woh cheez yan napid hai
Maut ka kya kaam Anjum zindagi ke shehar mein
Share This Naat
Share with friends and family
اتنی پاکیزہ کہاں مٹی کسی کے شہر میں
انجم نیازی