سنہری جالی کی ضو فشانی کو مانتی ہیں مطاف آنکھیں
اسی کا اشکوں سے با وضو ہو کے کر رہی ہیں طواف آنکھیں
Sunehri jali ki zo fhani ko manti hain mataf aankhein
Isi ka ashkon se ba wazu ho ke kar rahi hain tawaaf aankhein
لگا کے امید در گزر کی ندامتوں سے جھکا کے پلکیں
درِ رسالت پہ کر رہی ہیں گناہ کا اعتراف آنکھیں
Laga ke umeed dar graz ki nadamaton se jhuka ke palken
Dar-e-risalat pe kar rahi hain gunaah ka e'traaf aankhein
یہ عکسِ تاباں یہ روئے اطہر کوئی نہ دیکھے سوائے اِن کے
ترے تصور پہ ڈال دیتی ہیں آنسوؤں کا لحاف آنکھیں
Yeh aks-e-taaban yeh roye athar koi na dekhe siwaye in ke
Tere tasawwur pe daal deti hain aansooon ka lehaaf aankhein
میں اپنی آنکھوں کو دائمی روشنی کا رستہ دکھا رہا ہوں
رہیں گی روشن قدومِ سرور میں گر کریں اعتکاف آنکھیں
Main apni aankhon ko daimi roshni ka rasta dikha raha hoon
Rahain gi roshan qadoom-e-sarwar mein gar karein aitkaaf aankhein
کبھی مرے خواب کے دریچے میں روشنی بن کے مسکرائے
وہ نور چہرہ جو تیرگی میں بھی دیکھ لیتی ہیں صاف آنکھیں
Kabhi mere khwab ke dariche mein roshni ban ke muskuraye
Woh noor chehra jo tirgi mein bhi dekh leti hain saaf aankhein
دیارِ اطہر کے ذرے ذرے کو یہ جو جھک جھک کے چومتی ہیں
تلاش کرتی ہیں گردِ راہِ محمدی کا غلاف آنکھیں
Diyar-e-athar ke zare zare ko yeh jo jhuk jhuk ke choomti hain
Talash karti hain gard-e-rah-e-Mohammadi ka ghilaaf aankhein
بسا ہے اشفاق جب نظر میں حسِین گنبد کا سبز منظر
تو کیوں نہ کرتیں دھنک کے رنگوں سے دائمی انحراف آنکھیں
Basa hai Ashfaq jab nazar mein haseen gunbad ka sabz manzar
To kyun na karti dhanak ke rangon se daimi inhiraf aankhein
Share This Naat
Share with friends and family
سنہری جالی کی ضو فشانی
اشفاق احمد غوری