خواب روشن ہو گئے مہکا بصیرت کا گلاب
جب کِھلا شاخِ نظر پر اُن کی رویت کا گلاب
Khawab roshan ho gaye mehka basirat ka gulab
Jab khila shaakh-e-nazar par un ki ro'at ka gulab
گفتگو خوشبو کے لہجے میں سکھائی آپ نے
خارِ نفرت چن لیے دے کر محبت کا گلاب
Guftugu khushbu ke lehje mein sikhai aap ne
Khaar-e-nafrat chun liye de kar mohabbat ka gulab
خُلق کی خوشبو تمام اَدوار میں رچ بس گئی
باغِ ہستی میں کِھلا یوں ان کی شفقت کا گلاب
Khulq ki khushbu tamam adwaar mein rach bas gayi
Bagh-e-hasti mein khila yun un ki shafqat ka gulab
زیست کے تپتے ہوئے صحرا میں ہے وجہِ سکوں
اُن کی یاد، اُن کی تمنّا اُن کی سیرت کا گلاب
Zeest ke tapte hue sehra mein hai wajah-e-sukoon
Un ki yaad, un ki tamanna un ki seerat ka gulab
ہر صدی ہر عہد کے گلشن کو اُن کی آرزو
ہر زمانے میں کھلا ہے اُن کی چاہت کا گلاب
Har sadi har ehed ke gulshan ko un ki aarzu
Har zamane mein khila hai un ki chahat ka gulab
عطر آسودہ فضائیں کیوں نہ ہوں اس شہر کی
خاکِ طیبہ کا ہراِک ذرّہ ہے جنت کا گلاب
Itr asooda fazaen kyun na hon is sheher ki
Khaak-e-taybah ka har aik zarra hai jannat ka gulab
نعت لکھتا ہوں صبیح ؔ اُن کی عطا کے سائے میں
ہے بیاضِ نعت کا ہر شعر رحمت کا گلاب
Naat likhta hoon Sabih un ki ata ke saaye mein
Hai beyaaz-e-naat ka har she'ar rehmat ka gulab
Share This Naat
Share with friends and family
خواب روشن ہو گئے مہکا بصیرت کا گلاب
سید صبیح الدین صبیح رحمانی