تیغ نکلی نہ تبر نکلا نہ بھالا نکلا
گھر سے سرکار کے اخلاق کا آلہ نکلا
Tegh nikli na tabar nikla na bhaala nikla
Ghar se Sarkar ke ikhlaaq ka aala nikla
پھیلتا ہی گیا اک ایسا اجالا نکلا
جب حرا سے وہ مِرا رحمتوں والا نکلا
Phailta hi gaya ek aisa ujaala nikla
Jab Hira se woh mera Rehmaton wala nikla
میری بخشش کا یہی ایک حوالہ نکلا
فردِ اعمال سے نعتوں کا رسالہ نکلا
Meri bakhshish ka yehi ek hawala nikla
Fard-e-aamaal se naaton ka risala nikla
شہرِ طیبہ کے لئے راہ نکلتی ہی نہ تھی
میرے سرکار نے جب رستہ نکالا نکلا
Shehr-e-Taiba ke liye raah nikalti hi na thi
Mere Sarkar ne jab rasta nikaala nikla
اورپھرہم کوتھکن بھی نہیں محسوس ہوئی
شہرِ طیبہ کا سفر راحتوں والا نکلا
Aur phir hum ko thakan bhi nahin mehsoos hui
Shehr-e-Taiba ka safar raahaton wala nikla
گنبدِ خضرا کو دیکھا ہے بہت جی بھر کے
تب کہیں جا کے مِری آنکھ سے جالا نکلا
Gumbad-e-Khizra ko dekha hai bohot ji bhar ke
Tab kaheen ja ke meri aankh se jaala nikla
یا نبی آپ کے جیسا کہیں دیکھا ہی نہیں
بس یہی بولتا ہر دیکھنے والا نکلا
Ya Nabi aap ke jaisa kaheen dekha hi nahin
Bas yehi bolta har dekhne wala nikla
گمشدہ سوئی ملی تیرہ شبی میں آقا
اک تبسم سے ترے ایسا اجالا نکلا
Gumshuda sooee mili teerah shabi mein Aaqa
Ek tabassum se tere aisa ujaala nikla
گنبدِ خضرا کے سائے میں جو کھایا تھا شفیقؔ
وہ نوالا تو بڑا برکتوں والا نکلا
Gumbad-e-Khizra ke saaye mein jo khaya tha Shafiq
Woh Nawaala to bara barkaton wala nikla
Share This Naat
Share with friends and family
تیغ نکلی نہ تبر نکلا نہ بھالا نکلا
شفیق ؔ رائے پوری