میرے نام نہ چٹھی آئی رو رو چٹھیاں پائیاں
تیرے ہجر چہ رو رو میرا ہو گیا حال سودائیاں
Mere naam na chithi aayi ro ro chithiyan paaiyan
Tere hijr chah ro ro mera ho gaya haal soodaaiyan
سوہنیا سب دے درد مکاناں ایں سب دی مشکل حل فرماناں ایں
پادے خیر توں وصل دا مینوں میں وی آساں لائیاں
Sohnia sab de dard mukaanaan ain sab di mushkil hal farmanaan ain
Pa day khair tu wasanl da menu main vi aasaan laaiyaan
اکھ رووے تے دل کُرلاوے ، مُڑ مُڑ یاد مدینہ آوے
لوں لوں میرا چیریا جاندا مارن سانگ جدائیاں
Akh rowe te dil kurlawae, mur mur yaad Madinah aave
Loon loon mera cheriya janda maaran sang jodaaiyaan
کس نوں دل دے پھٹ دکھلاواں کون سنے گا میریاں ہاواں
بن تیرے سُلطاناں میریا سارے جگ دیا سائیاں
Kis nu dil de phat dukhlaawan kaun sunay ga meri aan haawaan
Ban tere Sultanaan meriya saare jagh diya saaiyaan
غاراں دے وچہ روون والیا ، عیب اساڈے دھوون والیا
کون سنے گا بانجھ تُساڈے میریاں حال دوہائیاں
Gharan de wech rowan waliya, aib asadhe dhowan waliya
Kaun sunay ga baanj tusadhe meri aan haal doonaaiyaan
پنجتن پاک دے پیار دے صدقے ، حیدر دی دستار دے صدقے
سد کے سب نوں روضے اُتے قائم تیریاں شاہیاں
Panjtan pak de pyaar de sadqay, Haider di dastar de sadqay
Sad ke sab nu roza uthay qaim teriyan shaaiyaan
نور دا مرکز سینہ تیرا ، وسدا رہوے مدینہ تیرا
سد صائم نوں وی ہن جتھے جھوکاں ہین وسائیاں
Noor da markaz seena tera, wasda rahe Madinah tera
Sad Sa'im nu vi han jithe jhokaan hain wasaaiyaan
Share This Naat
Share with friends and family
میرے نام نہ چٹھی آئی رو رو چٹھیاں پائیاں
علامہ صائم چشتی