بہر سو آج برپا محفلِ ذکرِ رسالت ہے
جہاں میں ہر طرف نظارۂ جشنِ ولادت ہے
bahr su aaj barpa mehfil-e-zikr-e-risalAt hai
jahan mein har taraf nazarA-e-jashn-e-welAdat hai
طریقِ مصطفائی میں ہی روحِ دینِ فطرت ہے
فلاحِ زندگی کا راستہ راہِ شریعت ہے
tareeq-e-mustafaee mein hi ruh-e-deen-e-fitrAt hai
falAh-e-zindagi ka raste raah-e-shareeat hai
اندھیرے کفر و باطل کے جہاں سے ہوگئے رخصت
بہر سو پرتوِ تابانیِ ماہِ نبوت ہے
andhere kufr o batil ke jahan se hogaye rukhsat
bahr su partaw-e-tabani-e-mah-e-nubuwat hai
جو دہقاں تھے عرب کے پاگئے طرزِ جہاں بانی
مرے سرکار کا صدقہ دو عالم کی حکومت ہے
jo dehqAn the arab ke pa gaye tarz-e-jahan bani
mere sarkar ka sadqah do aalam ki hukumat hai
قیامت تک گماں کی دسترس میں آنہیں سکتی
حدِ ادراک سے آگے نبیؐ کی شانِ رفعت ہے
qayamat tak gumAn ki dastaras mein anahi sakti
hadd-e-idraak se age nabi ki shan-e-rafAt hai
عمل سے بھی تو بن جا سنتِ سرکار کا پیرو
رسولِ پاکؐ سے گر واقعی تجھ کو عقیدت ہے
amal se bhi to ban ja sunnat-e-sarkar ka pairo
rasool-e-pak se agar waqai tujh ko aqeedat hai
فقط دعویٰ نبی سے عشق کا جنت نہیں دے گا
جو پابندِ شریعت ہے وہی حقدارِ جنت ہے
fqat d’awa nabi se ishq ka jannat nahi de ga
jo paband-e-shareeat hai wahi haqqdAr-e-jannat hai
نہیں بوبکر کا کوئی بھی بعدِ انبیا ثانی
سوا نوعِ نشر میں آپ کی شانِ فضیلت ہے
nahi bObakr ka koyee bhi baad-e-ambiya sani
sawa nou-e-nashr mein aap ki shan-e-fazeelat hai
نہ کیوں تاریخ میں عدلِ عمر کا بول بالا ہو
مثالی حضرت ِفاروق کی شانِ عدالت ہے
na kiu tareekh mein adl-e-umar ka bol bala ho
misali hazrat-e-farooq ki shan-e-adalat hai
نہیں ملتی کہیں تمثیل دنیا میں سخاوت کی
جنابِ حضرتِ عثماں کی وہ شانِ سخاوت ہے
nahi milti kahin tamseel dunya mein sakhaawat ki
janab-e-hazrat-e-uthman ki woh shan-e-sakhaawat hai
جسے سرکار نے خود بابِ شہرِ علم فرمایا
وہ ذاتِ مرتضیٰ ہے پیکرِ فہم و فراست ہے
jise sarkar ne khud bab-e-shehr-e-ilm farmaaya
woh zaat-e-murtaza hai paikar-e-fahm o farasat hai
نہ چھوٹے دامنِ آئینِ مدحت تیرے ہاتھوں سے
بہت ہی پُر خطر احسؔن رہِ نعتِ رسالت ہے
na choote daman-e-aaeen-e-madihat tere hathon se
bahut hi pur khatar ahsan rah-e-naat-e-risalat hai
Share This Naat
Share with friends and family
بہر سو آج برپا محفلِ ذکرِ رسالت ہے
احسن اعظمی