آقاؐ کی ثنا مدحِ نبیؐ آیۂ توصیف
قرآن میں ہے بس شہِ کونین کی تعریف
Aqa ﷺ ki sana madah-e-Nabi ﷺ ayah-e-tauseef
Quran mein hai bas shah-e-konain ki tareef
اخلاق نبیؐ نے انھیں شیدائی بنایا
جو آپ کے حق میں تھے کبھی باعثِ تکلیف
Ikhlaq Nabi ﷺ ne inhein sheedai banaya
Jo aap ke haq mein the kabhi bais-e-takleef
ہم نعتِ نبیؐ لکھتے ہیں مبنی بحقیقت
توصیف میں کرتے نہیں بے جا کوئی تالیف
Hum naat-e-Nabi ﷺ likhte hain mabni ba-haqiqat
Tauseef mein karte nahin beja koi taleef
اے عقل کے اندھو یہ شریعت ہے نبیؐ کی
ممکن ہی نہیں اس میں کوئی رد کوئی تحریف
Ae aql ke andho yeh shariat hai Nabi ﷺ ki
Mumkin hi nahin is mein koi radd koi tahreef
میں نعتِ نبیؐ لکھتا ہوں بس بہرِ عقیدت
چاہت نہیں شہرت کی نہیں خواہشِ تعریف
Main naat-e-Nabi ﷺ likhta hoon bas behr-e-aqeedat
Chahat nahin shohrat ki nahin khwahish-e-tareef
محتاط بہت ہو کے ثنا لکھیے نبیؐ کی
اشعار میں آئے نہ کوئی پہلوئے تخفیف
Mohtaat bohat ho ke sana likhiye Nabi ﷺ ki
Ashaar mein aaye na koi pehlu-e-takhfeef
پھر دیں پہ ہے یلغارِ عدو خیر ہو یا رب
قرآن میں ہونے لگی پھر کوششِ تحریف
Phir deen pe hai yalghar-e-adu khair ho ya Rabb
Quran mein hone lagi phir koshish-e-tahreef
جینا ہوا دشوار بہت ہند میں آقاؐ
کر دیجے کرم، دور غلاموں کی ہو تکلیف
Jeena hua dushwar bohat Hind mein Aqa ﷺ
Kar diye karam, door ghalamon ki ho takleef
دیوان بڑی چیز ہے اِک شعر بھی احسؔن
بے فضلِ خدا، حُب نبیؐ ہوگا نہ تصنیف
Deewan bari cheez hai ik sher bhi Ahsan
Be fazl-e-Khuda, hub Nabi ﷺ hoga na tasneef
Share This Naat
Share with friends and family
آقاؐ کی ثنا مدحِ نبیؐ آیۂ توصیف
احسن اعظمی