خدا کے پیارے نبی ہمارے رؤف بھی ہیں رحیم بھی ہیں
شفیع بھی ہیں رسول بھی ہیں مُطاع بھی ہیں قسیم بھی ہیں
Khuda ke pyare Nabi humare Ro'uf bhi hain Rahim bhi hain
Shafi' bhi hain Rasool bhi hain Muta' bhi hain Qaseem bhi hain
اٹھاتے تکلیفیں کافروں سے دُعا ہدایت کی ان کی کرتے
تمام اَوصاف میں ہیں یکتا شکور بھی ہیں حلیم بھی ہیں
Uthate takleefain kafiron se dua hidayat ki un ki karte
Tamam o'saaf mein hain yakta Shakoor bhi hain Haleem bhi hain
یہ لادوا ہے مرض ہمارا طبیب کیوں کر کریں گے چارہ
علاج میرا کریں گے آقا طبیب دل ہیں حکیم بھی ہیں
Ye la-dawa hai maraz hamara Tabeeb kyun kar karein ge chaarah
Ilaaj mera karein ge aaqa Tabeeb dil hain Hakeem bhi hain
نہیں ہے کچھ عرض کی ضرورت کہ ان پہ روشن ہے سب کی حالت
رسولِ اَکرم سمیع بھی ہیں بصیر بھی ہیں علیم بھی ہیں
Nahi hai kuch arz ki zarurat ke un pe roshan hai sab ki haalat
Rasool-e-Akram Samee' bhi hain Baseer bhi hain Aleem bhi hain
اُنہیں کے در کے ہیں ہم بھکاری اُنہیں کی یہ نعمتیں ہیں ساری
اُنہیں کے ہیں سَلسَبِیل و کوثر اُنہیں کے قَصرِ نعیم بھی ہیں
Unahin ke dar ke hain hum bhikari unahin ki ye ne'maten hain sari
Unahin ke hain Salsabeel o Kauser unahin ke Qasr-e-Na'eem bhi hain
وہ عرش کے تاجدار مولیٰ صفت ہے یٰسٓ ثنا ہے طہٰ
غنی و معطی ہے نام اُن کا عرب کے دُرِّیتیم بھی ہیں
Woh 'arsh ke tajdar Maula Sifat hai Yaseen Sana hai Taha
Ghanee o Mu'ti hai naam un ka 'Arab ke dur-e-yateem bhi hain
ہر ایک گل میں ہے رنگ اُن کا زبانِ بلبل پہ اُن کا نغمہ
ہے سب کی آنکھوں میں نور اُن کا وہ سب کے دل میں مقیم بھی ہیں
Har ek gul mein hai rang un ka zubaan-e-bulbul pe un ka naghma
Hai sab ki aankhon mein noor un ka woh sab ke dil mein maqeem bhi hain
عطا کیے ہیں لقب خدا نے ہمارے آقا کو کیسے پیارے
اَمین بھی ہیں مَکین بھی ہیں عزیز بھی ہیں عظیم بھی ہیں
Ata kiye hain laqab Khuda ne humare aaqa ko kaise pyare
Ameen bhi hain Makeen bhi hain Aziz bhi hain Azeem bhi hain
میں ان کا بندہ وہ میرے مولیٰ وہ میرے مالک میں ان کا بردہ
خد اکے فضل و کرم سے آقا حفیظ بھی ہیں کریم بھی ہیں
Main un ka banda woh mere Maula woh mere maalik main un ka burda
Khuda ke fazl o karam se aaqa Hafeez bhi hain Kareem bhi hain
انہیں کے سر پر ہے تاجِ عزت انہیں کے باعث ہے ساری خلقت
نہ کیوں ہوں مالک وہ عرشِ حق کے حبیب بھی ہیں کلیم بھی ہیں
Unahin ke sar par hai taj-e-izzat unahin ke ba'is hai sari khalqat
Na kyun hoon maalik woh 'arsh-e-Haq ke Habeeb bhi hain Kaleem bhi hain
عفو ہو تم عزیز ہو تم وکیل ہو تم کفیل ہو تم
تمہارے بندے ہیں ہم اگرچہ سقیم بھی ہیں اَثیم بھی ہیں
'Afu ho tum 'Aziz ho tum Wakeel ho tum Kafeel ho tum
Tumhare bande hain hum agarche saqeem bhi hain A'seem bhi hain
جمیلؔ رضوی قادری کو غمِ عذابِ اَلیم کیوں ہو
مَدینے والے ہیں اس کے سر پر مدد پہ غوثِ عظیم بھی ہیں
Jameel Rizvi Qadri ko gham-e-'azaab-e-aleem kyun ho
Madeene wale hain uske sar par madad pe Ghaus-e-Azeem bhi hain
Share This Naat
Share with friends and family
خدا کے پیارے نبی ہمارے رؤف بھی ہیں رحیم بھی ہیں
جمیل الرحمن قادری