خیرات مرے حرفوں نے پائی ترے در کی
کرتے ہیں سدا مدح سرائی ترے در کی
Khairat mere harfon ne payi tere dur ki
Karte hain sada madah sarai tere dur ki
یہ مدح و ثنا صوت و صدا شعر و ادب سب
یہ اذن و عطا خاص کمائی ترے در کی
Yeh madah o sana sout o sada she'r o adab sab
Yeh izin o ata khaas kamaai tere dur ki
ججتی ہی نہیں قصرِ شہی اس کی نظر میں
قدرت نے جسے راہ دکھائی ترے در کی
Jajti hi nahi qasr-e-shahi is ki nazar mein
Qudrat ne jise raah dikhai tere dur ki
چمکے گی مری خاکِ لحد اس کے اثر سے
یہ خاک جو ماتھے پہ لگائی ترے در کی
Chamke gi meri khaak-e-lahad is ke asar se
Yeh khaak jo maathe pe lagai tere dur ki
لاتا نہیں خاطر میں وہ شاہانِ زمن کو
’’ ہے جس کے مقدر میں گدائی ترے در کی ‘‘
Laata nahi khatar mein wo shahan-e-zaman ko
"hai jis ke muqaddar mein gadaai tere dur ki"
سینے میں اُتر آئے ترا نور سراپا
تصویر ہے آنکھوں میں سجائی ترے در کی
Seene mein utar aaye tera noor saraapa
Tasveer hai aankhon mein sajai tere dur ki
یوں ہی تو فروزاں نہیں مہر و مہ و اختر
خیرات اجالوں نے بھی پائی ترے در کی
Yun hi to farozaan nahi mehr o mah o akhtar
Khairat ujalon ne bhi payi tere dur ki
جبریل چلے آتے تھے سدرہ سے اتر کر
کیا ذوق تھا کیا دُھن تھی سمائی ترے در کی
Jibreel chale aate the sidrah se utar kar
Kya zouq tha kya dhun thi samai tere dur ki
ہر پھول ہوا دستِ بہاراں سے معطّر
خوشبو جو صبا خیر سے لائی ترے در کی
Har phool hua dast-e-baharan se mu'attar
Khushboo jo saba khair se laai tere dur ki
یہ طلعتِ کونین ترے رُخ کا تصدق
یہ حسنِ جہاں جلوہ نمائی ترے در کی
Yeh tal'at-e-kounain tere rukh ka tasaddaq
Yeh husn-e-jahaan jalwa namai tere dur ki
مدحت سے ہوا کلبۂ جاں خوب منوّر
جب یاد مہکتی ہوئی آئی ترے در کی
Madhat se hua kulba-e-jaan khoob munawwar
Jab yaad mehkati hui aai tere dur ki
امّت پہ تری آج ہے آلام کی یورش
دل دیتا ہے سرکار ! دہائی ترے در کی
Ummat pe teri aaj hai alaam ki yorish
Dil deta hai sarkar ! dehai tere dur ki
بو صیری و جامی کے وسیلے سے ظفر بھی
رکھتا ہے تمنّائے گدائی ترے در کی
Bussiri o jaami ke waseele se Zafar bhi
Rakhte hai tamannaye gadaai tere dur ki
اے کاش نصیر آج کریں میری سفارش
’’پلکوں سے کیے جاؤں صفائی ترے در کی‘‘
Ae kaash Naseer aaj karein meri sifarish
"palkon se kiye jaoon safai tere dur ki"
Share This Naat
Share with friends and family
خیرات مرے حرفوں نے پائی ترے در کی
محمد ظفراقبال نوری