تاج لولاک لما کا ترے سر پر رکھّا
رنگِ ہستی کی نمو میں ترا جوہر رکھّا
Taaj-e-lolak lama ka tere sar par rakha
Rang-e-hasti ki namo mein tera jawhar rakha
کہیں منبر کہیں محراب، کہیں در رکھّا
میری آنکھوں میں ترے شہر کا منظر رکھّا
Kahin minbar kahin mehrab, kahin dar rakha
Meri aankhon mein tere shehar ka manzar rakha
اشک آباد کیا میں نے شبستانِ وجود
نعت لکھتے ہوئے قرطاس کو بھی تر رکھّا
Ashk abad kiya mein ne shabistan-e-wajood
Naat likhte hue qartas ko bhi tar rakha
تیرے اللہ نے کوثر سے نوازا ہے تجھے
تیرے گستاخ کو، بدخواہ کو ابتر رکھّا
Tere Allah ne kausar se nawaza hai tujhe
Tere gustakh ko, badkhwah ko abtar rakha
غیر کا دست نگر مجھ کو بنایا نہ کبھی
میرے موؐلا نے مجھے اپنا گداگر رکھّا
Ghair ka dast-nagar mujh ko banaya na kabhi
Mere Moⁿla ne mujhe apna gadagar rakha
دولتِ فقر و قناعت سے نوازا ہے مجھے
اس نے شاہوں کی طرح مجھ کو تونگر رکھّا
Daulat-e-faqr o qana'at se nawaza hai mujhe
Us ne shahon ki tarah mujh ko tangar rakha
اس نے شاداب رکھا دل کی زمیں کو ہر دم
ہر گھڑی نخلِ تمنا کو ثمروَر رکھّا
Us ne shadab rakha dil ki zameen ko har dam
Har ghari nakhl-e-tamanna ko samarwar rakha
حسنِ اخلاق کی رعنائی سے دل جیت لیے
ہاتھ میں تیر نہ شمشیر نہ خنجر رکھّا
Husn-e-ikhlaq ki ranai se dil jeet liye
Hath mein teer na shamshir na khanjar rakha
سنگ ریزوں کی گواہی تو بہت کافی تھی
عقل پہ اپنی ابوجہل نے پتھر رکھّا
Sang rezon ki gawahi toh bohot kafi thi
Aqal pe apni Abu Jehl ne pathar rakha
پھر اسے کوئی فرو دست نہیں کر پایا
جس کو اللہ کے محبوب نے برتر رکھّا
Phir usay koi fardast nahin kar paya
Jis ko Allah ke mehboob ne bartar rakha
میں نے محرابِ عقیدت میں جبیں سائی کی
معبدِ جاں کا ہر اک گوشہ منّور رکھّا
Mein ne mehrab-e-aqeedat mein jabeen saai ki
Ma'bad-e-jaan ka har ek gosha manawwar rakha
اس کی دہلیز کے لائق تو نہیں سر لیکن
کاش موت آئے تو دہلیز پہ ہو سر رکھّا
Us ki dehleez ke laayak toh nahin sar lekin
Kaash maut aaye toh dehleez pe ho sar rakha
سارے الفاظ تہی دست ہیں شاکر ورنہ
دل کے جزدان میں ہے نعت کا دفتر رکھّا
Saare alfaaz tehi dast hain Shakir warna
Dil ke juzdan mein hai naat ka daftar rakha
Share This Naat
Share with friends and family
تاج لولاک لما کا ترے سر پر رکھّا
سیّد شاکر القادری چِشتی نِظامی