سج گئی بزمِ مسرت آمدِ سرکار سے
وجد میں ہے ساری خلقت آمدِ سرکار سے
Saj gayi bazm-e-musarrat aamad-e-sarkar se
Wajd mein hai saari khalqat aamad-e-sarkar se
ہوگئی ہے جب سے نسبت آمدِ سرکار سے
بارہویں کی ہے فضیلت آمدِ سرکار سے
Ho gayi hai jab se nisbat aamad-e-sarkar se
Barhwin ki hai fazilat aamad-e-sarkar se
بے قراروں کو ہے راحت آمدِ سرکار سے
ہے مصیبت میں مصیبت آمدِ سرکار سے
Beqararon ko hai rahat aamad-e-sarkar se
Hai museebat mein museebat aamad-e-sarkar se
بھاگا بھاگا پھر رہا ہے آج شیطانِ لعیں
چھائی ہے کچھ ایسی ہیبت آمدِ سرکار سے
Bhaga bhaga phir raha hai aaj shaitaan-e-laeen
Chhaai hai kuch aisi haibat aamad-e-sarkar se
آمنہ کے گھر ہی کیا سارے جہاں میں دیکھیے
چھا گیا ہے ابرِ رحمت آمدِ سرکار سے
Aamina ke ghar hi kya saare jahaan mein dekhiye
Chha gaya hai abr-e-rehmat aamad-e-sarkar se
اولیں سرکار سے اقراء کہا قرآن نے
پھر ہوئی روشن تلاوت آمدِ سرکار سے
Awwaleen sarkar se iqra kaha Quran ne
Phir hui roshan tilawat aamad-e-sarkar se
بت پرستی کے اندھیروں نے رکھا تھا گھیر کے
روشنی میں آئی وحدت آمدِ سرکار سے
But-parasti ke andheron ne rakha tha gher ke
Roshni mein aai wahdat aamad-e-sarkar se
مار دینا بیٹیوں کو پیدا ہوتے ہی شفیقؔ
مٹ گیا نقشِ جہالت آمدِ سرکار سے
Maar dena betiyon ko paida hote hi Shafiq
Mit gaya naqsh-e-jehalat aamad-e-sarkar se
Share This Naat
Share with friends and family
سج گئی بزمِ مسرت آمدِ سرکار سے
شفیق ؔ رائے پوری