راحتِ قلبِ حزیں اسمِ گرامی آپؐ کا
ہے غلاموں کا وظیفہ نامِ نامی آپؐ کا
Rahat-e Qalb-e Huzin Ism-e Grami aap (ﷺ) ka
Hai ghulamon ka wazifa naam-e nami aap (ﷺ) ka
آپؐ کی توصیف ہو انسان پر موقوف کیوں
ذکر میں رطب لّلساں عالم تمامی آپؐ کا
Aap ki toseeef ho insaan par moqoof kyun
Zikr mein ratb l-lisaan aalam tamaami aap (ﷺ) ka
آپؐ ہیں ممدوحِ یزداں ‘ کون ہے ثانی بھلا
ہر زباں پر ہے رواں ذکرِ مدامی آپ ‘ کا
Aap hain Mamdooh-e Yezdaan, kaun hai saani bhala
Har zabaan par hai rawaan zikr-e mudaami aap (ﷺ) ka
میں بھلا کیا آپ ‘ کی تعریف میں کچھ لکھ سکوں
لکھ رہے ہیں جب قصیدہ شرف و جامی آپؐ کا
Main bhala kya aap ki tareef mein kuch likh sakoon
Likh rahe hain jab qaseeda sharaf-o-jaami aap (ﷺ) ka
اِس جلیلِ بے نوا پر بھی کرم کی ہو نظر
اس کی گردن میں بھی ہے طوقِ غلامی آپؐ کا
Is jaleel-e be nava par bhi karam ki ho nazar
Is ki gardan mein bhi hai toq-e ghulami aap (ﷺ) ka
Share This Naat
Share with friends and family
راحتِ قلبِ حزیں اسمِ گرامی آپؐ کا
حافظ عبدالجلیل