تارِ ربابِ دل میں نبی کی ہیں مِدحتیں
قربان کردوں اِن پہ جہاں بھر کی عظمتیں
Taar-e-rabaab-e-dil mein Nabi ki hain midhaten
Qurbaan kar doon in pe jahan bhar ki azmaten
خوشبو مرے قریب ہی رہتی ہے روز و شب
میں نے نبی کی نعت سے پائی ہیں رفعتیں
Khushboo mere qareeb hi rehti hai roz o shab
Maine Nabi ki naat se payi hain ruf'aten
الہام کا ہے ایک تسلسُل شعور پر
اب وجد میں ہیں میری مدینہ کی حسرتیں
Ilhaam ka hai ek tasalsul sha'oor par
Ab wajd mein hain meri Madinah ki hasraten
مدحِ نبی کے نور سے واقف قلم ہوا
پہلے کہاں تھیں نوکِ قلم کی یہ نکہتیں
Madh-e-Nabi ke noor se waaqif qalam hua
Pehle kahaan thiin nok-e-qalam ki yeh nikhaten
یہ کہکشاں ستارے، نبی کی ہیں رہ گزر
ورنہ کہاں حسیں تھیں یہ فطرت کی فطرتیں
Yeh kahkashan sitare, Nabi ki hain rah-e-guzar
Warna kahaan haseen thiin yeh fitrat ki fitratein
جتنے ہیں آسماں پہ ستاروں کے یہ دیے
اتنی عطا ہو مجھ کو بھی مدحت میں کثرتیں
Jitne hain aasman pe sitaron ke yeh diye
Itni ata ho mujh ko bhi midhat mein kasratein
دیدارِ مصطفیٰ کی شرابِ طہور دے
ایسی مری نظر کو عطا کر دے قدرتیں
Deedaar-e-Mustafa ki sharaab-e-tahoor de
Aisi meri nazar ko ata kar de qudratein
قائم جو ہوتا خاک درِ شاہِ دین کی
نعلین رکھتے مجھ پہ تو مل جاتیں نزہتیں
Qaim jo hota khaak dar-e-Shah-e-Deen ki
Na'layn rakhte mujh pe to mil jatin nazhaten
Share This Naat
Share with friends and family
تارِ ربابِ دل میں نبی کی ہیں مِدحتیں
سید حب دار قائم