تری دہلیز پر آیا ہوا خالی نہیں جاتا
کوئی بھی ہاتھ پھیلایا ہوا خالی نہیں جاتا
Teri dehleez par aaya hua khaali nahi jata
Koi bhi haath phelaya hua khaali nahi jata
وہاں پر دل کے غنچے سارے کھل اٹھتے ہیں خوشیوں سے
کوئی بھی چہرہ مرجھایا ہوا خالی نہیں جاتا
Wahan par dil ke ghanchay saaray khil uthtay hain khushiyon se
Koi bhi chehra murjhaya hua khaali nahi jata
وہاں تقسیم ہوتے ہیں خزانے دو جہانوں کے
کوئی بھی شخص بلوایا ہوا خالی نہیں جاتا
Wahan taqseem hotay hain khazane do jahanon ke
Koi bhi shakhs bulaya hua khaali nahi jata
وہاں کا ہو کے رہ جاتا ہے اس کی واپسی کیسی
محبت سے کوئی آیا ہوا خالی نہیں جاتا
Wahan ka ho ke reh jata hai us ki wapsi kesi
Mohabbat se koi aaya hua khaali nahi jata
عقیدت جتنی گہری ہو وہ اتنی کام آتی ہے
کوئی بھی شعلہ بھڑکایا ہوا خالی نہیں جاتا
Aqeedat jitni gehri ho wo utni kaam aati hai
Koi bhi shola bhadkaya hua khaali nahi jata
وہاں ہر پھول کو ملتی ہے دوبارہ نئی خوشبو
کوئی بھی پھول کملایا ہوا خالی نہیں جاتا
Wahan har phool ko milti hai dobarah nai khushbu
Koi bhi phool kamlaya hua khaali nahi jata
وہاں ٹوٹے ہوئے دل از سرِ نو جوڑے جاتے ہیں
کوئی سائل بھی ٹھکرایا ہوا خالی نہیں جاتا
Wahan toote hue dil az sar-e nu jore jate hain
Koi sail bhi thukraya hua khaali nahi jata
ہزاروں خواہشیں لے کر وہاں آتے ہیں لوگ انجؔم
کوئی بھی آنسو چھلکایا ہوا خالی نہیں جاتا
Hazaron khwahishen le kar wahan aate hain log Anjum
Koi bhi aansu chhalkaya hua khaali nahi jata
Share This Naat
Share with friends and family
تری دہلیز پر آیا ہوا خالی نہیں جاتا
انجم نیازی