مرے حضور ؐ! سلام و درُود کے ہمراہ
کئی گِلے بھی کروں گا کہ درد مند ہوں مَیں
Mere Huzoor ﷺ! Salaam o darood ke hamrah
Kayi gile bhi karun ga ke dard mand hoon main
جدید تر ہے تمہارا نظامِ زیست مگر
قدیم آنچ پہ اِک دَانہء سپند ہوں مَیں
Jadeed tar hai tumhara nizam-e-zeest magar
Qadeem aanch pe ik dana-e-sipand hoon main
مدارِ اَمن و اماں ہے تفا وَتِ زر و خاک
اِس اِمتیاز سے ہر چند کچھ بلند ہوں مَیں
Madar-e-aman o amaan hai taffawat-e-zar o khaak
Is imtiyaz se har chand kuch buland hoon main
مرے حضورؐ! میں سچ بولتا رہوں ‘ لیکن
مری زبان پہ رکھتے ہیں لوگ اَنگارے
Mere Huzoor ﷺ! Main sach bolta rahoon ' lekin
Meri zubaan pe rakhte hain log angaaray
میں ظلمتوں میں تجلی کی جب دہائی دوں
تو میرے سر پہ برستے ہیں آہنی تارے
Main zulmaton mein tajalli ki jab dehai doon
To mere sar pe baraste hain aahni taaray
تمہارے نام کا تنہا جنہیں سہارا تھا
تمہارے نام پہ لُٹنے لگے ہیں بے چارے
Tumhare naam ka tanha jinhein sahara tha
Tumhare naam pe lutne lage hain bechargay
مرے حضورؐ ! اِسی نُور کے سہارے پر
میں تیرگی میں اُلجھ کر بھی مسکراتا ہوں
Mere Huzoor ﷺ! Isi noor ke sahare par
Main teeragi mein ulajh kar bhi muskurata hoon
شہنشہوں کے قصیدے لکھوں تو کیسے لکھوں
رَواں لبوں پہ تمہارا ہی نام پاتا ہوں
Shehenshahoon ke qaseeday likhoon to kaise likhoon
Rawan labon pe tumhara hi naam pata hoon
مجھے خبر ہے ‘ تمہاری نگاہ ہے مجھ پر
اسی لیے تو مَیں شعلوں میں تَیر جاتا ہوں
Mujhe khabar hai, tumhari nigah hai mujh par
Isi liye to main sholon mein tair jata hoon
Share This Naat
Share with friends and family
مرے حضور ؐ! سلام و درُود کے ہمراہ
احمد ندیم قاسمی