رَب کے فیض ِ اَتم کی بات کرو
تاجدارِ حَرم کی بات کرو
Rab ke faiz e atam ki baat karo
Tajdar e Haram ki baat karo
جِن کا حُسنِ کرم ہے وجہ ِ حیات
اُن کے حُسنِ کرم کی بات کرو
Jin ka husn e karam hai wajah e hayat
Un ke husn e karam ki baat karo
تم گدا ہو دَرِ محمدؐ کے
اپنے جاہ و حشم کی بات کرو
Tum gada ho dar e Muhammad (SAW) ke
Apne jah o hashm ki baat karo
ابر ِ رحمت سے جس کا رشتہ ہے
بس اسی چشمِ نم کی بات کرو
Abr e rehmat se jis ka rishta hai
Bas usi chashm e nam ki baat karo
کون ان کی عطا سے ہے محروم
مُعطئ محترم کی بات کرو
Kon un ki ata se hai mehroom
Mu'ti mohtaram ki baat karo
جو کرم ہے کریمِ مُطلق کا
اُس سراپا کرم کی بات کرو
Jo karam hai Karim e Mutlaq ka
Us sarapa karam ki baat karo
راستے خود ہی جگمگائیں گے
اُن کے نقشِ قدم کی بات کرو
Raste khud hi jagmagayenge
Un ke naqsh e qadam ki baat karo
غمِ دنیا کا ہے عِلاج یہی
عشِق شاہِ امم کی بات کرو
Gham e duniya ka hai ilaj yahi
Ishq e Shah e Umam ki baat karo
وجہ تسکین ہے ان کا غم خالِدؔ
آہ کی چشمِ نَم کی بات کرو
Wajah taskin hai un ka gham Khalid
Aah ki chashm e nam ki baat karo
۔۔۔
۔۔۔
Share This Naat
Share with friends and family
رَب کے فیض ِ اَتم کی بات کرو
خالد محمود خالد