سوزِ دل چاہیے، چشمِ نم چاہیے اور شوقِ طلب معتبر چاہیے
ہوں میسر مدینے کی گلیاں اگر، آنکھ کافی نہیں ہے نظر چاہیے
Soz-e-dil chahiye, chashm-e-nam chahiye aur shauq-e-talab mutabar chahiye
Hon mayassar madine ki galiyan agar, aankh kaafi nahi hai nazar chahiye
ان کی محفل کے آداب کچھ اور ہیں، لب کشائی کی جرات مناسب نہیں
ان کی سرکار میں التجا کے لئے،جنبشِ لب نہیں، چشمِ تر چاہیے
In ki mehfil ke adaab kuch aur hain, lab kushai ki jurat munasib nahi
In ki sarkar mein iltija ke liye, junbush-e-lab nahi, chashm-e-tar chahiye.
اپنی رو داد غم میں سناوؔں کسے، میرے دکھ کو کوئی اور سمجھے گا کیا؟
جس کی خاکِ قدم بھی ہے خاکِ شفا، میرے زخموں کو وہ چارہ گر چاہیے
Apni ro daad gham mein sunaon kise, mere dukh ko koi aur samjhe ga kya?
Jis ki khaak-e-qadam bhi hai khaak-e-shifa, mere zakhmon ko woh charah gar chahiye
رونقیں زندگی کی بہت دیکھ لیں، اب میں آنکھوں کو اپنی کروں گا بھی کیا
اب نہ کچھ دیدنی ہے، نہ کچھ گفتنی، مجھ کو آقا کی بس اک نظر چاہیے
Ronakein zindagi ki bohat dekh lein, ab mein aankhon ko apni karun ga bhi kya
Ab na kuch deedni hai, na kuch guftani, mujhe aaqa ki bas ek nazar chahiye
میں گدائے درِ شاہِ کونین ہوں، شیش محلوں کی مجھ کو تمنّا نہیں
ہو میسر زمیں پہ کہ زیرِ زمیں، مجھ کو طیبہ میں اک اپنا گھر چاہیے
Main gadaaye dar-e-Shah-e-Konain hoon, sheesh mehlon ki mujhe tamanaa nahi
Ho mayassar zameen pe keh zair-e-zameen, mujhe Tayba mein ek apna ghar chahiye
ان نئے راستوں کی نئی روشنی، ہم کو راس آئی ہے اور نہ راس آئے گی
ہم کو کھوئی ہوئی روشنی چاہیے، ہم کو آئیںِ خیر البشر چاہیے
In naye raaston ki nayi roshni, hum ko raas ayi hai aur na raas aayegi
Hum ko khoi hui roshni chahiye, hum ko aayin-e-Khairul Bashar chahiye
گوشہ گوشہ مدینےکا پر نور ہے، سارا ماحول جلووؔں سے معمور ہے
شرط یہ ہے کہ ظرفِ نظر چاہیے، دیکھنے کو کوئی دیدہ ور چاہیے
Gosha goshah madineka par noor hai, saara mahol jalwoan se mamoor hai
Shart yeh hai ke zarf-e-nazar chahiye, dekhne ko koi didah var chahiye
مدحتِ شاہِ کون و مکاں کے لیے صرف لفظ وبیاں کا سہارا نہ لو
فنِ شعری ہے اقبال اپنی جگہ، نعت کہنےکو خونِ جگر چاہیے
Midhat-e-Shah-e-Kon o Makaan ke liye sirf lafz-o-bayan ka sahara na lo
Fan-e-shaeri hai Iqbal apni jagah, naat kehne ko khoon-e-jigar chahiye
Share This Naat
Share with friends and family
سوزِ دل چاہیے، چشمِ نم چاہیے
اقبال عظیم