بے اجازت اُس طرف نظریں اُٹھا سکتا ہے کون
وہ نہ بُلوائیں تو اُن کے در پہ جاسکتا ہے کون
Be ijaazat us taraf nazrein utha sakta hai kaun
Woh na bulwainn to un ke dar pe jaa sakta hai kaun
خالقِ کُل، مالکِ کُل، رازقِ کُل ہے وہی
یہ حقائق جز شہِ بطحیٰ بتا سکتا ہے کون
Khaaliq e kul, Maalik e kul, raaziq e kul hai wohi
Yeh haqaa'iq juz sheh e Batha betaa sakta hai kaun
اک اشارے سے فلک پر چاند دو ٹکڑے ہُوا
معجزہ یہ کوند یکھے گا؟ دِکھا سکتا ہے کون
Ek ishaaray se falak par chand do tukray hua
Mo'jza yeh kond dekhay ga? Dikha sakta hai kaun
کس کی جرأت ہے نظر بھر کر اُدھر کو دیکھ لے
دیدہ وَر ہو کر بھی تابِ دید لاسکتا ہے کون
Kis ki jurr'at hai nazar bhar kar udhar ko daikh le
Deedah war ho kar bhi tab e deed la sakta hai kaun
ہم نے دیکھا ہے جمالِ بارگاہِ مصطفیٰ ؐ
ہم سے اِس دُنیا میں اب آنکھیں مِلا سکتا ہے کون
Hum ne dekha hai jamaal e baargaah e Mustafa ﷺ
Hum se is duniya mein ab aankhain mila sakta hai kaun
نام لیوا اُن کا ہے اوجِ فلک تک باریاب
کوئی یُوں اُبھرے تو پھر اُس کو دبا سکتا ہے کون
Naam lewa un ka hai ouj e falak tak baariyaab
Koi yu'n ubhray to phir us ko daba sakta hai kaun
اللہ اللہ! عید میلادِ نبیؐ کا غُلغُلہ
اِس شرف، اِس شان سے دُنیا میں آسکتا ہے کون
Allah Allah! Eid Milaad e Nabi ﷺ ka ghu'l ghu'la
Is sharaf, is shaan se duniya mein aa sakta hai kaun
بارگاہِ مصطفیٰ ؐ میں یہ صحابہ کا ہجوم
اِتنے تابندہ ستارے یُوں سجا سکتا ہے کون
Bargaah e Mustafa ﷺ mein yeh sahaaba ka hajoom
Itne taabinda sitaare yu'n saja sakta hai kaun
جن کو دنیا میں نہیں اُن کی شفاعت پر یقیں
حشر میں اُن کو جہَّنم سے بچا سکتا ہے کون
Jin ko duniya mein nahi un ki shafaa'at par yaqeen
Hashar mein un ko jahannam se bacha sakta hai kaun
دارِ فانی میں محبت اُن کی ہے وجہِ بقا
جو نصیرؔ اُن پر مِٹا، اُس کو مِٹا سکتا ہے کون
Daar e faani mein mohabbat un ki hai wajah e baqa
Jo Naseer un par mita, us ko mita sakta hai kaun
Share This Naat
Share with friends and family
بے اجازت اُس طرف نظریں اُٹھا سکتا ہے کون
سید نصیرالدیں نصیر