شہد نالوں مٹھے تیرے بول کملی والیا
کناں وچہ رس دیندے گھول کملی والیا
Shehd nalon mithay teray bol kamli walia
Kanna vich rass dianday ghol kamli walia
جگ نالوں چنگے نہیں نصیب اوہناں لوکاں دے
وسدے نے جہڑے تیرے کول کملی والیا
Jagg nalon changay nahi naseeb ohna lokan de
Vasday nay jhrray teray kol kamli walia
سب دیاں جھولیاں مراداں نال بھر دے
اللہ دے خزانے تیرے کول کملی والیا
Sab diyan jholiyan muradan nal bhar de
Allah de khazanay teray kol kamli walia
جنہوں چاہنوں جو چاہتویں جدوں چاہنویں ونڈیں توں
سارے اختیار تیرے کول کملی والیا
Jinno chahno jo chahtoan jadoon chahnooan wanda toon
Saray ikhtiyar teray kol kamli walia
صرف جند جان نئیں دین نے ایمان وی
دیواں تیرے نام توں میں گھول کملی والیا
Sirf jand jaan nahi deen nay imaan vi
Deewan teray naam toon main ghol kamli walia
تیریاں نگاہواں وچ جہڑا وی آ جاندا اے
ہو جاندا او ہو انمول کملی والیا
Teriyaan nigahwaan vich jherra vi aa janda ay
Ho janda oh ho anmol kamli walia
کرم کما جا پھیرا پا جا مرے گھر وی
چراں توں میں بوہے رکھے کھول کملی والیا
Karam kma ja pheraa paa ja meray ghar vi
Chiran toon main bohay rakhay khol kamli walia
رحمتاں دا دیویں توں سہارا اوہناں لوکاں نوں
دتے تقدیر نے جو رول کملی واليا
Rehmatan da deeway toon sahara ohna lokan noon
Ditay taqdeer nay jo rol kamli walia
میں وی آیاں در اُتے لے کے گنہ گاریاں
رحمتاں دے بوہے دیویں کھول کملی والیا
Main vi aayaa dar utay lay kay gunah gariyaan
Rehmatan de bohay deeway khol kamli walia
کرم دی نگاہ رکھیں عاصی گنہ گار تے
حشر وچہ جانواں نہ میں ڈول کملی والیا
Karam di nigah rakhin aasi gunah gaar tay
Hashar vich jaanwaan na main dol kamli walia
لج پال کر دے نے سدا لج پالیاں
عیب نہ نیازی دے توں پھول کملی والیا
Lajpaal kar day nay sada lajpaaliyan
Aib na Niyaazi de toon phool kamli walia
Share This Naat
Share with friends and family
شہد نالوں مٹھے تیرے بول کملی والیا
عبدالستار نیازی