اصلِ مسجودِ مَلک ، جانِ مہِ کنعان ہو
آمنہ کے لعل ! تم سب موتیوں کی کان ہو
asal-e masjood-e malak, jan-e mah-e kanaan ho
Aaminah ke laal! tum sab motiyon ki kaan ho
تم سے ہی ہر دور میں توحید کا اعلان ہو
کَنزِ مَخفیِّ اَزل کی تم سے ہی پہچان ہو
tum se hi har daur mein tauheed ka elaan ho
kanz-e makhfi-e azl ki tum se hi pehchaan ho
’’ لِی مَعَ اللہ ‘‘ کا تقرّب ہے تمہارا وصفِ خاص
قریۂِ’’ یُطعِم و یَسقِی ‘‘ کے تمہی مہمان ہو
"li ma'allah" ka taqarub hai tumhara wasaf-e khaas
qaryah-e "yut'im wa yasqi" ke tumhi mehmaan ho
سارے دریاؤں کا پانی روشنائی گر بنے
پھر بھی خارج از حدِ تحریر تیری شان ہو
saare daryaaon ka paani roshnaai gar bane
phir bhi khaarij az had-e tehreer teri shaan ho
اَنھُرِ شرع و طریقت کا تمہی مَجمَع بنے
اور تمہی اِک مُلتقائے اَبحُرِ عرفان ہو
anhaur-e shar' o tareeqat ka tumhi majma bane
aur tumhi ik multaqa-e abhure irfan ho
دوشِ نکہت پر نہ کیوں ہو موجۂِ فکر و خیال
یادِ گُل سے جب مہکتا کوچۂِ اَذہان ہو
dosh-e nikkhat par na kyon ho maujah-e fikr o khayaal
yaad-e gul se jab mehakta koocha-e azhaan ho
سر پہ نعلِ مصطفیٰ تشریف لائے تو سہی
نفسِ کافر کو ابھی حاصل رہِ ایمان ہو
sar pe naal-e Mustafa tashreef laaye to sahi
nafas-e kafir ko abhi haasil rah-e imaan ho
انعقادِ مجلسِ میثاق تھا جن کے لیے
کیوں نہ ان کی عظمتوں پر میری جاں قربان ہو؟
in'aqaad-e majlis-e meethaq tha jin ke liye
kyon na un ki azmaton par meri jaan qurban ho?
آیۂِ " تِلکَ الرُّسُل " اس مدّعا پر ہے دلیل
انبیا میں سب سے افضل تم شہِ ذیشان ! ہو
aayah-e "tilka al-rusul" is mad'ua par hai daleel
anbiya mein sab se afzal tum shah-e zeeshan! ho
عقلِ افلاطون و تاجِ قیصری قدموں میں ہے
مُلکِ عرش و فرش و دانش کے تمہی سلطان ہو
aql-e aflaatoon o taaj-e qaysari qadmon mein hai
mulk-e arsh o farsh o danish ke tumhi sultan ho
اے معظمؔ! نیکیوں سے گرچہ دامن ہے تہی
کیا عجب حرفِ ثنا سرمایۂِ غُفران ہو
ai Muazzam! nekiyon se garche daaman hai tahi
kya ajab harf-e sanaa sarmaya-e ghufraan ho
Share This Naat
Share with friends and family
اصلِ مسجودِ مَلک ، جانِ مہِ کنعان ہو
معظم سدا معظم مدنی