شبِ انتظار میں سو گیا وہ مرا نصیب جگا گئے
یہ کرم ہے میرے کریم کا کہ وہ میرے خواب میں آگئے
Shab-e-intezar mein so gaya wo mera naseeb jaga gaye
Ye karam hai mere Kareem ka ke wo mere khwab mein aa gaye
میں ہجومِ غم کا نقیب تھا، شبِ تار میرا نصیب تھا
مرے گھر میں چاند اتر گیا وہ جمال اپنا دکھا گئے
Main hajoom-e-gham ka naqeeb tha, shab-e-taar mera naseeb tha
Mere ghar mein chand utar gaya wo jamal apna dikha gaye
وہ جو تاجدارؐ شہاں ہوئے، جو امیرِؐ بزمِ جہاں ہوئے
جو شہؐ زمین و زماں ہوئے، جہاں دل کیا وہاں آ گئے
Wo jo Tajdar(SAW) e shehan hue, jo Ameer(SAW) e bazm-e-jahan hue
Jo Sheh(SAW) zameen o zaman hue, jahan dil kiya wahan aa gaye
وہ مقیمِ غارِ حرا ہوئے کہ مکینِ عرشِ علیٰ ہوئے
وہ جدھر جدھر سے گزر گئے سبھی راستوں کو سجا گئے
Wo maqeem-e-Ghar-e-Hira hue ke makeen-e-Arsh-e-ala hue
Wo jidhar jidhar se guzar gaye sabhi raaston ko saja gaye
ہمہ وقت پیش ِ خدا کیا، غم ِ عاصیاں کا سوال تھا
وہ جو لب ہلے، وہ جو ہاتھ اٹھے ہمیں ہر بلا سے بچا گئے
Hamaa waqt paish-e-Khuda kiya, gham-e-aasyan ka sawal tha
Wo jo lab hale, wo jo haath uthe humein har bala se bacha gaye
یہ جو اللہ والے ہیں امتی، ہے انہی کے دم سے یہ روشنی
جو نہ حشر تک بھی بجھیں کبھی، وہ چراغ ایسے جلا گئے
Ye jo Allah wale hain ummati, hai inhi ke dam se ye roshni
Jo na hashar tak bhi bujhein kabhi, wo charagh aise jala gaye
جو زباں سے نکلا وہی ہوا، تھی مرے خدا کی یہی رضا
انہیں رب نے اپنا بنا لیا جنہیں آپ اپنا بنا گئے
Jo zubaan se nikla wahi hua, thi mere Khuda ki yahi raza
Inhein Rab ne apna bana liya jinhein aap apna bana gaye
بڑے اونچے ان کے نصیب تھے، جو ظہوریؔ ان کے قریب تھے
جو مرے حضورؐ کے روبرو انہیں ان کی نعت سنا گئے
Bare oonche in ke naseeb the, jo Zahoori in ke qareeb the
Jo mere Huzoor(SAW) ke rubaru inhein in ki naat suna gaye
Share This Naat
Share with friends and family
شبِ انتظار میں سو گیا وہ مرا نصیب جگا گئے
محمد علی ظہوری