دل دیاں سدھراں پوریاں ہوون من دا مقصد پاواں میں
یاد نبی دی سینے لا کے شہر مدینے جاواں میں
Dil diyaan sadhran pooriyaan hovan man da maqsad aawan mein
Yaad Nabi di seene la ke shehar Madine jaawan mein
جس دے ہجر چ روندیاں روندیاں میری عمر وہا گئی اے
اوس دِلاں دے محرم تائیں دل دا حال سناواں میں
Jis de hijr ch rondiyan rondiyan meri umr weha gayi ae
Us dilaan de mehram taaen dil da haal sunaawan mein
قدم قدم تے سجدے دیواں یار جتھوں دی لنگھدا سی
چُم کے جالی رحمت والی سینے دے نال لاواں میں
Qadam qadam te sajde diwaan yaar jitho di langhda si
Chum ke jali rehmat wali seene de naal laawan mein
چھیتی وقت لیاوے مولا دیکھاں گنبد خضری نوں
اٹھے پہر نے ایہو عرضاں ایہو کراں دعاواں میں
Chheti waqt laawe Mola dekhaan gumbad khazra nu
Utthe pehar ne eho arzaan eho kraan duaawan mein
جے اک واری کرم کما کے سد لئے سوہنا روضے تے
وار دیاں جند جان سجن توں پھیر ناں مُڑ کے آواں میں
Je ik waari karam kama ke sad le sohna roze te
Waar diyaan jind jaan sajan ton pher naa mur ke aawan mein
کملی والیا کرم کما کے سُن لے میری زاری نوں
تیرے باہجھوں پھٹ جگر دے کس نوں ہور وکھاواں میں
Kamli waliya karam kama ke sun le meri zariya nu
Tere baajho phatt jigar de kis nu hor vakhaawan mein
توں ایں دردی سب دُکھیاں دا کرم کریں ہن صائم تے
تڑف تڑف دیدار دے باہجھوں روندا ای ناں مر جاواں میں
Tu ae dardi sab dukhiyan da karam karein hun Saaim te
Tarf tarf deedaar de baajho rondaa ae na mar jaawan mein
Share This Naat
Share with friends and family
دل دیاں سدھراں پوریاں ہوون من دا مقصد پاواں میں
علامہ صائم چشتی